Edvard Munch

Denne artikkelen handlar om kunstmålaren. For andre personar med same namnet, sjå Edvard Munch (fleirtyding).

Edvard Munch i 1912.

Edvard Munch (12. desember 1863–23. januar 1944) var ein norsk kunstmålar, grafikar og ein av dei tidlege representantane for ekspresjonismen. Han vart fødd på Løten i Hedmark fylke, men voks opp i Kristiania. Den intense og stemningsfulle måten han skildra psykisk liding på hadde mykje innverknad på utviklinga av tysk ekspresjonisme tidleg på 1900-talet.

Edvard Munch er den einaste norske kunstmålaren som er kjend og verdsett verda over. Det internasjonalt mest kjende måleriet hans er truleg Skrik. Verk av Munch er å sjå i mange internasjonale kunstgalleri. I Oslo er sentrale verk å sjå på det kommunale Munch-museet, på det statlege Nasjonalmuseet og som veggmåleri i aulaen i Domus Media (tilhøyrande Universitetet i Oslo) på Karl Johans gate. I Bergen er verk som vert rekna blant dei beste som Munch har skapt, å sjå i Bergen kunstmuseum.

På 70-årsdagen sin i 1933 vart Munch tildelt storkrossen av St. Olavs Orden.

Munchs testamentariske gåve til Oslo kommune

Edvard Munch testamenterte til Oslo kommune ei gåve som femna om omlag 1100 måleri, 15500 grafiske blad med 700 ulike motiv, 4700 teikningar og seks skulpturar. I tillegg kom nesten 500 trykkplater, 2240 bøker, notatbøker, dokument, fotografi, verktøy, rekvisita og møblar. Denne gåva danna hovudstamma i den samlinga av Munchs verk som Munch-museet i Oslo rår over.

Uttalen av «Munch»

Edvard Munch «insisterte [...] på at hans familienavn ble uttalt med u».

Bakgrunnsstoff

Commons har multimedia som gjeld: Edvard Munch

• Internettsida for Munch-museet i Oslo
• Oversyn over galleri og musé med Munch-bilete
• Munch på Nasjonalmuseet

Kjelder

Denne kunstartikkelen som har med Noreg å gjere er ei spire. Du kan hjelpe Nynorsk Wikipedia gjennom å utvide han.