Einfrøblada plantar

Frå Wikipedia – det frie oppslagsverket
Gå til: navigering, søk
Einfrøblada plantar, einfrøbladingar
Gekeimter Weizen BMK.jpg
Kveitespirer med eitt frøblad frå kvart frø.
Vitskapleg namn
Liliopsida, Monocotyledoneae
Utbreiing
Område: Alle verdsdelar
Habitat: Terrestrisk og akvatisk
Systematikk
Rike: Plantae
Embryophyta
Rekkje: Angiospermae

Einfrøblada plantar eller einfrøbladingar er ei biologisk rekkje dekkfrøplantar som har som kjenneteikn at når frøet gror utviklar planten berre eitt frøblad. Kimrota døyr tidleg, og det veks fram eit knippe av birøter i staden.

Fleirårige artar i rekkja har jordstengel (rhizom), knoll eller lauk. Karstrengane ligg spreidde i grunnvevet, ikkje i ein ring som hjå tofrøblada plantar, og plantane har ikkje sekundær tjukkelsetilvekst, ettersom det ikkje blir danna kambium (sekundært vekstvev) verken i rot eller stengel.

Klassen er delt inn i rundt 50 familiar med ca. 55 000 artar, og utgjer rundt 25 % av dei dekkfrøa plantane. Blant dei enfrøblada finst til dømes fleire vassplantar, palmar, liljer, orkidear, gras, starr, siv og andre grasliknande plantar. Orkidefamilien og grasfamilien er blant dei mest artsrike plantefamiliane i denne rekkje. Bortsett frå palmane finn ein få tre her.

Kjelder[endre | endre wikiteksten]