Elsa Skjerven
Elsa R. Skjerven (11. desember 1919–29. oktober 2005), fødd i Oslo, død i Bærum, var ein norsk politikar for Kristeleg Folkeparti. Ho var statsråd og sjef for Familie- og forbrukardepartementet (familie- og forbrukarminister) i Per Borten si regjering frå 1965 til 1971, i til saman 5 år, 5 månader og 5 dagar. Som vararepresentant til Stortinget møtte ho til saman 76 dagar.
Innhaldsliste |
Biografi [endre]
Elsa Skjerven tok eksamen i elementær musikkteori ved Musikkonservatoriet i 1941, og utdanna seg som lærar ved Elverum lærerskole i 1943. Ho var gymnastikklærar ved Levanger lærerskole, Innherred sykepleierskole og Strinda realskole og gymnas. Ho budde i Trondheim i 40 år, og var medlem av bystyret i 23 år. Mot slutten av denne tida var ho kommunalråd i kultur- og undervisningssektoren i åtte år. I 1982 flytta ho til Bærum.
Verv [endre]
- Medlem av Trondheim bystyre frå 1959 til 1983, frå 1972 også medlem av formannskapet
- Vararepresentant til Stortinget i periodane 1965–1969, 1969–1973 og 1973–1977
- Medlem av Sør-Trøndelag fylkesting frå 1979 til 1982
- Medlem av Kringkastingsrådet
- Medlem av Marknadsrådet
- Medlem av landsstyret i Kristeleg Folkepartis Kvinner i 12 år.
- Formann for Kristeleg Folkepartis Kvinner frå 1974 til 1976.
Heider [endre]
- Norske Kommuners Sentralforbunds heidersteikn frå 1983
- Æresmedlem i Kristeleg Folkeparti frå 1985
Kjelder [endre]
- Denne artikkelen bygger på «Elsa Skjerven» frå Wikipedia på bokmål, den 7. mars 2010.
