Elva Ticino

Ticino
Ticino og den gamle brua i Pavia
Utspring	St. Gotthard-massivet nær Nufenenpasset i Sveits
Munning	Po, søraust for Pavia i Italia
Land i nedslagsfelt	Italia, Sveits
Lengd	248 km
Middelvassføring	350 m³/s
Nedslagsfelt	6 598 km²

Ticino (tysk Tessin; latin: Ticinus) er ei elv i Sveits og Italia, og ei av sideelvane til Po frå venstre. Ho spring ut frå St. Gotthard-massivet i Sveits og renn gjennom Lago Maggiore. Ticino munnar ut i Po eit par kilometer nedanfor Pavia og har ei lengd på 248 km.

Elva ved Sesto Calende

Elva er demt opp i Sveits for å nyttast i eit kraftverk, medan ho i Italia stort sett vert nytta til vatning.

Elva har gjeve namn til kantonen Ticino i Sveits.

Byar langs Ticino

• Sveits: Airolo, Bellinzona og Locarno (ved Lago Maggiore).
• Italia: Stresa (ved Lago Maggiore), Vigevano og Pavia.

Kjelder

• Denne artikkelen er basert på ei omsetjing av artikkelen Ticino River frå Engelsk Wikipedia .