Farsunds Avis

Farsunds Avis
{{{undertittel}}}
Type:	Dagsavis
Format:	Tabloid (fullformat fram til 9. mars 2002)
Språk:
Målform:	Bokmål
Lokalavis for
Farsund, Lyngdal og Hægebostad
Regionavis for
'
{{{riksaviskommentar}}}
Eigarskap:	Fædrelandsvennen AS (86,2 %), Glastad Invest AS (7,7 %), andre (6,1 %)
Første trykk:	15. juni 1889
Opphald i produksjonen:
Siste trykk:
Opplag:	5 994 (2010)
Politisk posisjon:
Redaksjonskontor:	Barbros gate 19, 4551 Farsund
Ansvarleg redaktør:	Sveinung W. Jensen (2009)
Politisk redaktør:
Nyhenderedaktør:	Svein Morten Havaas
Kulturredaktør:
Feature-/magasinredaktør:	{{{feature-redaktør}}} ({{{feature-redaktørår}}})
Produksjonsredaktør:	{{{produksjonsredaktør}}} ({{{produksjonsredaktørår}}})
Debattredaktør:	{{{debattredaktør}}} ({{{debattredaktørår}}})
Administrasjonsredaktør:	{{{administrasjonsredaktør}}} ({{{administrasjonsredaktørår}}})
Utanriksredaktør:	{{{utanriksredaktør}}} ({{{utanriksredaktørår}}})
ISSN:
Pris i laussal:
Nettstad:	Favis.no

Farsunds Avis er ei avis som vert utgjeven i Farsund i Vest-Agder. Farsunds Avis kjem ut alle dagar, men ikkje sundagar. Avisa er lokalavis for kommunane Farsund, Lyngdal og Hægebostad, samt resten av Lister-regionen

Avisa i dag

Avisa har om lag 30 medarbeidarar og eit opplag på 5 994 (2010). Frå januar 2010 kjem Farsunds Avis ut under namnet Lister kvar torsdag, og dekkjer då òg Kvinesdal, Flekkefjord og Sirdal. Med den nye torsdagsutgåva, vart avisa Lister i praksis gjenoppliva etter å ha vore borte frå medieverda sidan 1934.

Hovudredaksjonen ligg i Farsund sentrum, med eit lokalkontor i Lyngdal. Farsunds Avis trykkjast i Fædrelandsvennen AS sitt trykkjeri i Kristiansand.

Eigarskap

Farsunds Avis vart grunnlagd i 1889, og utgjevar er AS Farsunds Aktiebogtrykkeri som vart stifta same år.

Familien Brøvig har vore sentral i avisa si historie. I 1903 overtok skipsreiar Th. Brøvig redaktøransvaret. Reiarfamilien var hovudeigarar heilt fram til 3. november 2008, då dei selde sin eigarpost på 58,19 prosent til Fædrelandsvennen. Dermed var 119 år med lokalt eigarskap over. Per 2011 eig Fædrelandsvennen AS 86,2 prosent av selskapet.

Avisleiinga

Sveinung W. Jensen er ansvarleg redaktør og dagleg leiar, medan Svein Morten Havaas er nyheits- og reportasjeleiar. Styreformann er Kjell Henrik Moen.

Historie

Historia vil ha det til at Farsunds Avis vart fødd takka vere ein trykkfeil. Radikal-avisa Lister hadde ein artikkel frå ein fest arrangera av Farsund Høire. Presteskapet deltok og vart i artikkelen omtala som «presteskrap». Etter alt sannsyn var dette ein trykkfeil, men reaksjonen frå borgarskapet var å stifte ei eiga avis. 15. juni 1889 kom Farsunds Avis ut for første gong. Konsul P. Sundt var avisa sin grunnleggjar og første styreformann.

Th. Olsen var faktor og redaktør i periodar frå avisa si spede byrjing og heilt fram til andre verdskrig. Etter krigen tok Einar Holmer Hoven over som redaktør, og han døydde seinare på sin post under eit kommunestyremøte. Holmer Hoven vart etterfølgd av Billy Nenningsland. Han gjekk til slutt av etter at styret overprøvde Nenningsland sitt nei til ein ølannonse.

I nyare tid var Kristian Fahlstrøm redaktør i to periodar. Avisa gjekk frå bly til offset og vart dagsavis på byrjinga av 1970-talet. I 1983 overtok Gunvald Justnæs redaktørjobben og vart etterfølgd av Steinar Spjelkaviknes i 2002. Sveinung W. Jensen tok over redaktørstolen 1. oktober 2009.

Farsunds Avis var ifølgje vedtektene ei høgreavis heilt fram til september 2002. I dag definerer avisa seg som verdikonservativ, men har i praksis ein politisk uavhengig ståstad.

Avisa har hatt sitt eige trykkjeri heilt sidan starten, men dette vart lagd ned våren 2010, etter nesten 121 år i drift. Siste trykking var 26. mars 2010. I desember 2010 flytta avisen frå Strandgaten til nye lokal på Gåseholmen.

Opplagstal

Bekrefta netto opplagstal frå Mediebedriftenes Landsforening:

• 2006: 6 044
• 2007: 6 062
• 2008: 6 103
• 2009: 6 094
• 2010: 5 994

Bakgrunnsstoff

• Farsunds Avis
• Avisa si historie