Hægebostad kommune

Frå Wikipedia – det frie oppslagsverket
Gå til: navigering, søk
Hægebostad kommune
Våpen Kart
Komm.nr. 1034
Fylke Vest-Agder
Adm.senter Tingvatn
Areal 460 km²
Folkemengd 1 669 (1. jan 2012)
Politikk
Ordførar (2007) John Fidjeland (KrF)
Målform Nynorsk
Nettstad www.haegebostad.kommune.no
Folketalsutvikling 1951-2010[1]
Befolkningsutvikling kommune 1034.svg
Hægebostad kommune på Commons

Hægebostad er ein innlandskommune i Vest-Agder fylke. Kommunen grensar til Kvinesdal i vest og nord, Åseral og Audnedal i aust og Lyngdal i sør.

Hægebostad har om lag 1.600 innbyggjarar. I tillegg er det kring 800 hytter i kommunen.

Elva Lygna som er varig verna mot kraftutbygging renn frå nord til sør i kommunen. Elva og vatnet Lygne har som følgje av kalking godt fiske. Alt i alt er det 988 små og store vatn i kommunen.

Kommunen har eit rikt dyreliv med elg, bever, rådyr, hare, rype, ørn og gaupe. Nord i kommunen er det beiteområde for den sørlegaste villreinstamma i landet.

Riksveg 42 kryssar kommunen i retning aust-vest, og Riksveg 43 som går sørover gjev samband til Europaveg 39. Sørlandsbanen har stoppestad i Hægebostad på Snartemo stasjon. Stasjonen ligg midt mellom to av de lengste jernbanetunnelane i Noreg, Kvinesheitunnelen og Hægebostadtunnelen.

Meteorologisk institutt, Avinor og Statens vegvesen driv i samarbeid ein stor vérradarStaksteinliknuten (631 moh.) i Hægebostad. Radaren stod ferdig i 2000 og dekkjer sørlege delar av Noreg og dei nære havområda utanfor.

Hægebostad kommune av i dag omfattar dei tidlegare kommunane Hægebostad og Eiken. Dei vart slegne saman i 1963. Dei to kommunane utgjorde ein kommune òg frå 1837 til 1915. Frå 1916 til 1962 var Hægebostad og Eiken sjølvstendige kommunar.

Bakgrunnsstoff[endre | endre wikiteksten]

Fotnotar[endre | endre wikiteksten]

Koordinatar: 58°22′32.6″N 7°13′11″E