Sirdal kommune

Frå Wikipedia – det frie oppslagsverket
Gå til: navigering, søk
Sirdal kommune
Våpen Kart
Komm.nr. 1046
Fylke Vest-Agder
Adm.senter Tonstad
Areal 1547 km²
Folkemengd 1 831 (1. jan 2012)
Politikk
Ordførar (2011) Jonny Liland (Ap)
Målform Nøytral
Nettstad www.sirdal.kommune.no
Folketalsutvikling 1951-2010[1]
Befolkningsutvikling kommune 1046.svg
Sirdal kommune på Commons

Sirdal er ein kommune heilt nord i Vest-Agder fylke. Sirdal er ein innlandskommune, som grensar til Aust-Agder fylke i nordaust og Rogaland fylke i vest. I sør grensar kommunen opp mot Flekkefjord, og i aust mot Kvinesdal. Sirdal er den største kommunen i Vest-Agder i flatevidd.

Kommunevåpenet viser tre oppflygande ryper i sølv på grøn bakgrunn. Historisk har rypefangst vore ein viktig næringsveg i Sirdal.[2]

Historie[endre | endre wikiteksten]

Namnet «Sirdal» kjem av elva Sira som renn gjennom dalen. Ein sirdøl er ein som bur i Sirdal eller som kjem derifrå.

Sirdal kommune vart opphavleg oppretta i 1849 ved utskiljing frå Bakke formannskapsdistrikt. I 1905 vart kommunen delt i Tonstad kommune og Øvre Sirdal kommune. I 1960 vart Øvre Sirdal kommune, Tonstad kommune og Haughomgrenda slegne saman til Sirdal kommune. Espetveit og Viraksgrenda blei overført frå Felkkefjord kommune i 1987.[2]

Næringsliv[endre | endre wikiteksten]

Sirdal er ein kommune med mykje fjellterreng og store vasskraftressursar. Sira-Kvina kraftselskap har hovudkontor og driftssentral på Tonstad. Tradisjonelt har gardbrukarar frå Jæren kome med sauene sine til Sirdal for å ha dei på sommarbeite. Etter kvart har Sirdal utvikla ei sterk næring retta inn mot turisme. Mange har hytte i kommunen, og det er gode skitilhøve om vinteren. Om sommaren er det mange som går tur i Ryfylkeheiane og Setesdalsheiane.

Media[endre | endre wikiteksten]

Nettavisa Sirdølen er lokalavis for Sirdal og dalstroka innanfor.

Bakgrunnsstoff[endre | endre wikiteksten]

Kjelder[endre | endre wikiteksten]

Fotnotar

  1. Kjelde: SSB
  2. 2,0 2,1 Om vår kommune, sirdal.kommune.no

Koordinatar: 58°39′54.3″N 6°42′57.1″E