Framandlegionen

Framandlegionærar på den franske nasjonaldagen 14. juli.
Foto: David Monniaux

Framandlegionen (fransk Légion Étrangère) er ei militæreining i den franske hæren. Han vart danna i 1831 i fransk Nord-Afrika etter juli-revolusjonen i Frankrike. Legionen vart danna fordi utanlandske friviljuge ikkje lenger kunne verve seg til det ordinære militæret.

Dei fleste offiserane i Framandlegionen er franske, men dei meinige er samansett av mange forskjellige nasjonalitetar (mellom anna franskmenn). Etter å ha tenestegjort i legionen i tre år kan legionæren søkje om fransk statsborgarskap. Alle legionærar blir innrullert under pseudonym, men kan få tilbake den opphavlege identiteten sin etter eitt år ved å gjennomgå «régularisation de situation militaire» (RSM). Berre legionærar som har gjennomgått RSM kan få fransk statsborgarskap.

I hovudsak var Legionen eit prosjekt for å utvide det Franske koloniale imperium på 1800-talet. Legionen har også hatt ein stor rolle i krigar med andre europeiske stormakter i krigar som 1. og 2. verdskrig.

Tidlegare hadde Framandlegionen eit rykte for å tiltrekkje seg leigesoldatar og rømlingar. I dei seinare år har rekrutteringa til legionen blitt avgrensa og det blir gjort bakgrunnssjekk på alle søkjarar.

Det noverande hovudkvarteret ligg i Aubagne, like utanfor Marseille.

Oppsetjing

• I Frankrike
  • 1er Régiment Étranger (1er RE), stasjonert i Aubagne
  • 4e Régiment Étranger (4e RE), treningsregimentet stasjonert i Castelnaudary

1er Régiment Étranger de Cavalerie (1er REC), pansra regiment stasjonert i Orange 1er Régiment Étranger de Génie (1er REG), ingenørregiment, stasjonert i Laudun 2e Régiment Étranger de Génie (2e REG), ingenørregiment, stasjonert i Saint-Christol 2e Régiment Étranger d'Infanterie (2e REI), infanteriregiment, stasjonert i Nîmes

• På Korsika
  • 2e Régiment Étranger de Parachutistes (2e REP), fallskjermregiment, stasjonert i Calvi
• I de franske oversjøiske territoria
  • 3e Régiment Étranger d'Infanterie (3e REI), infanteriregiment, stasjonert i Kourou, Fransk Guynea.
  • Détachement de Légion Étrangère de Mayotte (DLEM), detasjement stasjonert på Mayotte.
• Afrika
  • 13e Demi-Brigade de Légion Étrangère (3e DBLE), halv-brigade, stasjonert i Djibouti.

Kjelder

• Denne artikkelen bygger på «Fremmedlegionen» frå Wikipedia på bokmål, den 30. mai 2008.

Bakgrunnsstoff

Commons har multimedia som gjeld: Framandlegionen

• French Foreign Legion - Le Recrutement
• The French Foreign Legion