Hokkoar

Hokkoar
Jungelhokko Penelope jacquacu Foto: Raimond Spekking
Systematikk
Rike:	Animalia
Rekkje:	Chordata
Klasse:	Aves
Orden:	Galliformes
Familie:	Cracidae

Hokkoar er ein biologisk familie av hønsefuglar, Galliformes. Totalt er det klassifisert ca. 50 artar av hokkoar. Dette er store fuglar i tropisk og subtropisk Sentral-Amerika og Sør-Amerika. Ein art, kratthokko, har leveområde som grensar i nord til sørlegaste Texas. Trinidadhokko er endemisk til øya Trinidad og kritisk trua, medan llanoshokko lever på øya Tobago i tillegg til leveområdet på Llanos.

Namnet

På engelsk språk har tre undergrupper i familien fått eigne namn som manglar samsvarande namn på norsk språk, det er ikkje ei taksonomisk inndeling:

• 'Curassows' - Dei store, «eigentlege» hokkoar kallast på engelsk ofte berre 'curassows', namnet er avleidd frå namnet på øya Curacao. Slektene det gjelder er Nothocrax, Mitu, Pauxi og Crax.
• 'Guans' - Slektene Penelope, Pipile, Aburria, Chamaepetes, Penelopina og Oreophasis kallast 'guans' på engelsk. 'Piping guans' er ei anna nemning for slekta Pipile.
• 'Chachalacas' - Slekta Ortalis, namnet 'chachalacas' kjem av lydytringa hos fuglar innanfor denne slekta.

Skildring

Hokkoar er store fuglar, generelt har dei utsjånad som minnar om kalkunar. Med unnatak av slekta Ortalis, 'chachalacas', lever hokkoar i tre, medan dei mindre 'chachalacas' finst på meir opent land med krattvokstrar. Mange artar har ganske lang hale, det kan ha samband med livsform i trea. Generelt har dei einsfarga fjørdrakt, men somme artar har fargerike prydnader i ansiktet. Hokkoar varierer i storleik frå guyanahokko som er så liten som 38 cm og 350 gram til storhokko, på nesten 1 meter i kroppslengd og 4,3 kg i vekt. Hokkoar er spesielt vokaliske fuglar.

Desse artane lever av frukt, insekt og ormar. Dei byggjer reir i tre, og legg to eller tre store kvite egg, som hoa rugar aleine. Ungane er langt utvikla ved klekking og er fødd med eit instinkt til straks å klatre i og å søkje skjul i treet der dei vart klekt. Dei er i stand til å flyge få dagar etter klekking.

Slekter

Ortalis, 12 artar 'chachalacas' Penelope, 15 artar av dei største hokkoar, dette er kalkun-liknande fuglar Pipile, fire artar, det finst framlegg om samanslåing med Aburria Trinidadhokko, Pipile pipile Blåstrupehokko, Pipile cumanensis Raudstrupehokko, Pipile cujubi Svartpannehokko, Pipile jacutinga Aburria Gulflikhokko, Aurria aburri, leveområde i tåkeskog, vestre Venezuela sørover til nordre Peru Chamaepetes Svarthokko, Chamaepetes unicolor Blåmaskehokko, Chamaepetes goudotii Penelopina, monotypisk Smekkehokko, Penelopina nigra, lever i tåkeskog frå sørlege Mexico til Nicaragua Oreophasis, monotypisk Hornhokko, Oreophasis derbianus, lever i tåkeskog, Chiapas og Guatemala

Nothocrax, monotypisk Brunhokko, Nothocrax urumutum, biotopet er fuktig skog i Venezuela ned til nordvestre Peru og vestre Brasil Mitu, 4 artar: Elvehokko, Mitu tomentosum Loretohokko, Mitu salvini Kamnebbhokko, Mitu tuberosum Alagoashokko, Mitu mitu Pauxi Nordhjelmhokko, Pauxi pauxi Sørhjelmhokko, Pauxi unicornis Crax, 7 artar: Storhokko, Crax rubra Blåknopphokko, Crax alberti Gulknopphokko, Crax daubentoni Trollhokko, Crax alector Raudknopphokko, Crax globulosa Krøllhokko, Crax fasciolata Krushokko, Crax blumenbachii

Kjelder

• Denne artikkelen bygger på «Cracidae» frå Wikipedia på engelsk, den 23. november 2009
• Clementslista frå desember 2008. Nedlasting av lista, lese 19. september 2009

Bakgrunnsstoff

• Videoar med hokkoar hos Internet Bird Collection
• Lydopptak av hokkoar hos xeno-canto.org

Commons har multimedia som gjeld: Hokkoar