Kjell Kopstad

Kjell Kopstad
Statsborgarskap	Noreg
Fødd	10. januar 1934
Død	25. november 2006 (72 år)
Idrett	skihopping

Kjell Kopstad (10. januar 1934–25. november 2006) var ein norsk skihoppar frå Eidsfoss i Hof i Vestfold.

Kopstad vann tre medaljar i noregsmeisterskap. Han tok sølv i Drammen i 1956 og i Mo i Rana året etter, og bronse i Midtstubakken i Oslo i 1958. Arne Hoel var hans overmann i 1956, medan Halvor Næs vart noregsmeister i 1957. I 1958 var det Arnfinn Bergmann som tok NM-gull og Sverre Stenersen stakk av med sølvet.

Kopstad deltok i verdsmeisterskapen på ski både i 1954 og 1958, og vart nummer 27 i Falun i 1954 og nummer 16 i Lahti i 1958. Han var med i den tysk-austerrikske hoppveka i 1956/57 og 1958/59, siste gongen vart han samanlagt nummer 16. Hans beste enkeltresultat i hoppveka var sjetteplassen i Garmisch-Partenkirchen 1. januar 1959.

Besteplasseringar i internasjonale renn

• 1956: Nr 10 i Holmenkollen og i Lahti
• 1957: Nr 11 under Svenska skidspelen i Skellefteå
• 1959: Nr 6 i Garmisch-Partenkirchen

Medaljar og besteplasseringar i noregsmeisterskap

• Ski-NM 1956: Sølvmedalje i Drammen
• Ski-NM 1957: Sølvmedalje i Mo i Rana
• Ski-NM 1958: Bronsemedalje i Oslo
• Ski-NM 1960: Nr 12 i Nedre Eiker
• Ski-NM 1962: Nr 8 i Skien

Kjelder

• Sportsboken, aktuelle årgangar
• Denne artikkelen bygger på «Kjell Kopstad» frå Wikipedia på bokmål, den 28. oktober 2011.