Meland kommune

Meland kommune
Komm.nr.	1256
Fylke	Hordaland
Adm.senter	Frekhaug
Areal	91 km²
Folkemengd	7 004 (1. jan 2012)
Politikk
Ordførar (2007-)	Nils Marton Aadland (H)
Målform	Nynorsk
Nettstad	www.meland.kommune.no
Folketalsutvikling 1951-2010
Meland kommune på Commons

Meland er ein kommune i Hordaland fylke, i Nordhordland. Meland kommune er ein kyst- og øykommune nord for Bergen. Kommunesenteret Frekhaug ligg sør på øya Holsnøy. Øya Holsnøy utgjer hovuddelen av kommunen. I tillegg kjem Flatøy, Ypsøy og fleire små øyar. Nordhordlandsbrua frå Bergen kommune kjem i land på Flatøy. Europaveg 39 (E39) går vidare nordover gjennom Lindås kommune. Nord for Meland ligg óg Radøy kommune. Mellom Meland og Radøy går Mangersfjorden og Radfjorden. Mot sør- vest er Askøy kommune. Mellom Askøy og Meland går Herdlefjorden. Meland kommune har namn etter garden Meland på Holsnøy. Her er det óg kyrkje (Meland kyrkje).

Kommune frå 1923

Meland sokn var frå 1885 ein del av Alversund prestegjeld og kommune. Meland vart eigen kommune i 1923. Ein del av Holsnøya og litt av Askøya fekk namnet Meland kommune. Ved kommuneendringer i 1964 overtok Meland Flatøy frå gamle Hamre kommune. Gamle Herdla kommune sine område nord på Holsnøy vart og overteke. Områda på Askøy vart overført til Askøy kommune.

Kommunevåpenet

Kommunevåpenet til Meland er på raud grunn ein sølv navar-spiss som vender nedover. Navarsmiing har lange tradisjonar i Meland. Ein navar er eit trebor.

Aviser

Avisene Strilen og Nordhordland har nyhende frå Meland. Regionavisa Bergens Tidende har og mykje om hendingar i Meland. Dessutan har Bergensavisen ei viss dekning frå kommunen

Kjende personar frå Meland

• Lise Klaveness, landslagsspelar i fotball
• Torgeir Byrknes, artisten og DJ «TeeBee»
• Bjarte Leithaug, artist
• Solveig Leithaug Henderson, artist

Bakgrunnsstoff

• Kommunefakta (Hordaland) - frå Statistisk sentralbyrå
• Meland kommune 75 år
• Meland golfklubb