Mons Leidvin Takle

Mons Leidvin Takle
	Mons Leidvin Takle
Fødd	14. november 1942 (81 år)
Opphav	Noreg
Instrument	orgel
Verka som	musikar, komponist, pianist

Mons Leidvin Takle (fødd 1942) er ein norsk organist, pianist og komponist. Han kjem opphavleg frå Takle i Gulen kommune, men er busett i Kristiansand.

Karriere[endre | endre wikiteksten]

Takle tok organisteksamen ved Musikkonservatoriet i Stavanger berre 16 år gamal. Han studerte også ved Musikkonservatoriet i Oslo, der han studerte orgel med Arild Sandvold og piano med Reimar Riefling. Han har elles studert i Sverige og USA, og teke private pianotimar med Hans Solum. Han har turnert som solist og akkompagnatør både i Europa og i USA.

Som organist har Takle m.a. jobba i Revheim kyrkje på Madla, Høyanger kyrkje, Gand kyrkje i Sandnes, St. Petri kyrkje i Stavanger, Hægeland kyrkje, Øvrebø kyrkje og Vennesla kyrkje.

Han har arbeidt, og sjølv gjeve ut ei rekkje plateproduksjonar opp igjennom. Han har jobba som arrangør, produsent og akkompagnatør for plateselskapet Lynor som han har brukt som plateselskap for fleire av sine eigne utgjevingar òg.

Dei mange komposisjonane han har gjeve ut, har han mellom anna gjort på forlaget Cantando. Takle har sitt eige firma, Mons Leidvin Takle Musikk AS, som ligg på Vennesla. Musikken hans vert i dag spela over store delar av verda.