Norske sportsfiskerekordar
Norske sportsfiskerekordar er lister over dei største fiskane som er tekne med sportsfiskeutstyr i Noreg. Det var bladet Alle Menn som i 1973 kom med den første rekordlista, som då innheldt 19 artar. Det var lita oppsluttning første åra. Oppsluttinga vart betre då bladet Villmarksliv overtok lista i 1976. Frå då vart den lista rekna som dei offisiellle norske sportsfiskerekordane. I førstninga var lista delt i to, ei for saltvassfisk og ei for ferskvassfisk.
Frå 1979 har det og vorte rekordar for fisk fanga på fluge.
Rekordlistene[endre | endre wikiteksten]
Slik er det no fire rekordlister:
- Rekordane for saltvassfiskar[1]
- Flugerekordane for saltvassfiskar [2]
- Rekordane for ferskvassfiskar[3]
- Flugerekordane for ferskvassfiskar[4]
For nokre av dei største artane vert det ført to rekordlister. Av praktiske grunnar kan det vere uråd å få til skikkeleg veging. Då er det ei liste med vekt, og ei med lengdemål. Dette gjeld artar som håkjerring, makrellstørje, håbrann, kveite og ulike skater. For kvar rekordnotering finn vi: Fiskeslag, vekt kg, fiska av, fangststad og dato.
Godkjenning[endre | endre wikiteksten]
Fiskarar som vil ha godkjende rekordfiskar må forhalde seg til eit heller detaljert sett av fangstreglar.
Det er ein omfattande prosess å få ein rekordfisk godkjend Det skal innmeldast med eit detaljert skjema om fiskaren, fiskestaden, reiskapen , og fisken. [5] Det krevst vitne som bekreftar fangsten, og det skal foreligge fotodokumentasjon.
Nokre rekordar[endre | endre wikiteksten]
- Håkjerring 880,0 kg Boknafjorden, 2010
- Kveite 233,5 kg Laksefjorden, 2013
- Torsk 41,72 kg Sørøya, 2012
- Makrell 3,474 kg, Stølefjorden, 1997
- Lita havnål 1,14 g, Oslofjorden, 2019
- Gjedde 19,540 kg, Grøtlitjernet, 2017
- Laks 32,5 kg, Tana, 1951
Referansar[endre | endre wikiteksten]
- ↑ «Offisiellle sportsfiskerekordar i saltvatn». Henta 18. mars 2022.
- ↑ «Offisiellle sportsfiskerekordar i saltvatn - fluge». Henta 18. mars 2022.
- ↑ «Offisiellle sportsfiskerekordar i ferskvatn». Henta 18. mars 2022.
- ↑ «Offisiellle sportsfiskerekordar i ferskvatn - fluge». Henta 18. mars 2022.
- ↑ «Skjema for registrering av offisiell norsk sportsfiskerekord». Henta 18. mars 2022.