Paisley

Frå Wikipedia – det frie oppslagsverket
Gå til: navigering, søk

Paisley

Rådhuset
Rådhuset
Plassering
Paisley is located in
Styresmakter
Land Flag of the United Kingdom.svg Storbritannia
Konstituerande land Flag of Scotland.svg Skottland
Region Renfrewshire
Geografi
Innbyggjarar
 - By (2007)

72 990
Koordinatar 55°51′″N 4°25′″WKoordinatar: 55°51′″N 4°25′″W
Diverse annan informasjon
Postnummer PA1 - PA3
Telefon-retningsnummer 0141 & 01505
Commons-logo.svg Commons har multimedia som gjeld: Paisley

Paisley (skotsk-gælisk Pàislig) er ein by og tidlegare burgh i Renfrewshire i Skottland. Han ligg omkring 13 km vest-sørvest for Glasgow. Nord for byen møtest White Cart Water og Black Cart Water og dannar elva Cart. Byen er administrativt senter for Renfrewshire. Byen er den femte største i Skottland, og den største med status som town. Han høyrer til den sørvestlege delen av Stor-Glasgow.

Paisley ligg ikkje langt frå Glasgow internasjonale lufthamn. Han har også kanalsamband med Glasgow.[1]

Historie[endre | endre wikiteksten]

Tidlegare meinte ein at den romerske festninga Vanduara, som vart nemnt av Klaudios Ptolemaios, låg der Paisley no ligg. Denne identifikasjonen er basert primært på likskapen mellom namna Vanduara og Gwen-dwr, som ein trur er det brytoniske namnet på White Cart Water. Det er ikkje gjort funn som støttar teorien, og dei fleste har gått bort frå han.

På 1100-talet vart det grunnlagt eit cluniacensarkloster i Paisley, og ei busetjing voks raskt opp rundt dette. Innan hundre år hadde gått vart klosteret eit abbedi. I dag er Paisley Abbey ei kyrkje som står att etter klosteret.

På 1700-talet var han eit viktig senter for tekstilindustri. På 1800-talet blei han særleg kjend for sine paisleysjal, etter mønster av sjal frå Kashmir. Sjala blei først laga i silke og bomull, seinare også i ull. Byen har også hatt stor produksjon av sytråd, kjemikaliar, næringsmiddel og anna.[1]

Paisley har i dag eit tekstilmuseum og eit observatorium.[1]

Kjelder[endre | endre wikiteksten]

  1. 1,0 1,1 1,2 «Paisley» (14. februar 2009), Store norske leksikon. Fri artikkel henta 23. januar 2015.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Paisley