Remipedia
Frå Wikipedia – det frie oppslagsverket
| Remipedia | ||
|
|
||
| Systematikk | ||
| Rekkje: | Arthropoda | |
| Underrekkje: | Crustacea | |
| Klasse: | Remipedia | |
| Vitskapleg namn | ||
| Remipedia
Yager, 1979
|
||
Remipedia (etter latin Remipedes, «åre-føter») er ei klasse blinde krepsdyr som lever i australske og karibiske grottesystem med tilknytnad til havet. Vitskapen kjenner til 12 nolevande artar, i tillegg til ein fossil.
Dyra i denne gruppa har todelte kroppar som består av eit hovud og ein lang og einsarta segmentert bakkropp på opp til 32 segment. Kvart segment har eit par todelte bein med store, åreliknande utvekstar. Beina står ut til sidene, eit trekk som gjer at dei tilsynelatande liknar meir på børstemark enn på krepsdyr. Remipedia-kreps sym på ryggen med dei åre-liknande føtene sine, som òg har gjeve gruppa namn.
Gruppa er framleis dårleg kjend.
[endre] Kjelder
- Brusca & Brusca: Invertebrates, Sinauer Associates 2003
- Yager, Jill: «Remipedia, a new class of Crustacea from a marine cave in Bahamas», i Journal of Crustacean Biology, 1981
- Engelsk wikipedia
- Introduction to the Remipedia
