Serpentin

Serpentin

Fat av serpentin med innlagt gullfisk, 1. hundreåret fvt.

Serpentin er ei mineralgruppe av hydroksylhaldige magnesiumsilikat Mg₃Si₂O₅(OH)₄. Dei er viktige bestanddelar i mange bergartar på lågt metamorfosetrinn, som kleberstein, grønskifer og andre.

Serpentin blir oftast danna ved hydrotermal omvandling av magnesiumrike silikat, særleg olivin.

Dei tre hovudtypane av serpentin er lizarditt, antigoritt og krysotil (serpentinasbest).

Serpentinmineral finst mange stader, òg i Noreg. Vent gulgrøn til grøn edelserpentin frå Modum er brukt mellom anna som prydstein til fasadar.

Serpentingruppa

• Amesitt Mg₂Al(Al SiO₅)(OH)₄
• Antigoritt Mg₃Si₂O₅(OH)₄
• Lizarditt
• Krysotil
• Greenalitt Fe₃Si₂O₅(OH)₄

Kjelder

• Raade, Gunnar. (14. februar 2009). Serpentin: mineral. I Store norske leksikon. Henta 14. februar 2014.

Bakgrunnsstoff

Commons har multimedium som gjeld: Serpentin