Silene

Silene eller Smelleslekta er ei planteslekt i nellikfamilien. Plantane har poseforma eller sylindrisk beger med fem tenner. Kvite eller raude kronblad, ofte med to små flikar der dei kjem ut or begeropningen. Tre eller fem griflar. Fem, seks eller ti kapseltenner. Raud jonsokblom og kvit jonsokblom har hannblomstrar på ein plante og hoblomstrar på ein annan. Resten av dei norske artane har tokjønna blomstrar. Nitten artar veks vilt eller forvilla i Noreg.

Merk at ein del databaser inkluderer slekta Lychnis i Silene. Norske artar:

• Raud jonsokblom (S. dioica)
• Kvit jonsokblom (S. pratensis)
• Småjonsokblom (S. furcata)
• Blindurt (S. wahlbergella)
• Strandsmelle (S. maritima)
• Engsmelle (S. vulgaris)
• Orientsmelle (S. csereii)
• Tatarsmelle (S. tatarica)
• Nikkesmelle (S. nutans)
• Nattsmelle (S. noctiflora)
• Gaffelsmelle (S. dichotoma)
• Hengjesmelle (S. pendula)
• Fransk smelle (S. gallica)
• Raudsmelle (S. armeria)
• Småsmelle (S. rupestris)
• Fjellsmelle (S. acaulis)
• Tjæreblom (S. viscaria)
• Fjelltjæreblom (S.alpina)
• Hanekam (S.flos-cuculi)

Kjelder

• Dansk wikipedia.
• Johannes Lid, norsk-svensk-finsk flora, Det Norske Samlaget, 1985.