Tame i Stor-Manchester
| Tame | |
| elv | |
 Tame, nær Reddish Vale
|
|
| Land |  England |
|---|---|
| Grevskap | Stor-Manchester |
| Kjelde | Denshaw, Stor-Manchester |
| Munning | Mersey |
| - stad | Stockport |
| Nedslagsfelt | 146 km² |
Tame er ei elv i Stor-Manchester i England. Ho byrjar på vestsida av Penninane nordaust for Manchester og renn sørover til Stockport, der ho renn saman med Goyt og dannar elva Mersey. Elva drenerer eit nedbørfelt på 146 km².[1] Delar av elva markerer den historiske grensa mellom Cheshire og Lancashire.
Elveløpet [endre]
Tame byrjar som ei minstevassføring frå Readycon Dean-reservoaret 2 km nordaust for landsbyen Denshaw på vestsida av Penninane, like ved grensa mellom Stor-Manchester og West Yorkshire. Vasskiljet går noko lengre nord på lyngheiene, på West Yorkshire-sida av grensa, like ved Pennine Way. Det høgaste punktet i nedbørfeltet er Black Chew Head (542 moh), som òg er det høgaste punktet i Stor-Manchester.
Frå kjelda renn elva hovudsakleg sørover gjennom Delph, Uppermill, Mossley, Stalybridge, Ashton-under-Lyne, Dukinfield, Haughton Green, Denton og Hyde. I byen Stockport flyt Tame til slutt saman med elva Goyt og dannar elva Mersey, som fortset mot vest til ho munnar ut i Irskesjøen ved Liverpool.
På 1800-talet medførde konsentrasjonen av industri i dei nemnde byane at Tame vart ein særs forureina vassveg. Tiltak mot forureining dei 30 siste åra av 1900-talet har resultert store betringa i vasskvaliteten. Rundt to tredjedelar av vassføringa ved samløpet ved Goyt har passert gjennom eit kloakkreinseanlegg.
Kjelder [endre]
- Denne artikkelen bygger på «Tame (Stor-Manchester)» frå Wikipedia på bokmål, den 7. juli 2011.
- Wikipedia på bokmål oppgav desse kjeldene:
- ↑ Boyce, D. The Tame, Goyt and Etherow catchement abstraction management strategy (pdf). Environment Agency, Warrington. Vitja 7. juli 2011.
Bakgrunnsstoff [endre]
- Mersey Basin Campaign. Nettstad om oppreinskinga av Mersey og sideelvane 1985–2010
