Thomas Müller

Thomas Müller

Personleg informasjon
Namn	Thomas Müller
Fødselsdato	13. september 1989
Fødestad	Weilheim in Oberbayern i Tyskland
Høgd	186 cm
Posisjon	Midtbane, spiss
Klubbinformasjon
Spelar for	Bayern München
Draktnummer	25
Ungdomsklubb
1993-2000 2000-07	Pähl Bayern München
Klubbar*
År	Klubb	Kampar (mål)
2007-	Bayern München	116 (39)
Landslag**
2009- 2010-	Tyskland U21 Tyskland	6 (1) 8 (5)
* Klubbkampar og mål i nasjonal liga   er sist oppdatert 20. august 2010. ** Landskampar og mål er sist oppdatert 10. juli 2010.

Thomas Müller (fødd 13. september 1989 i Weilheim in Oberbayern i Bayern) er ein tysk fotballspelar, som spelar for Bayern München i tysk Bundesliga. Han har òg landskampar for Tyskland. Müller vart seriemeister i Tyskland med Bayern München i 2010.

Müller debuterte for Tyskland sitt A-landslag 3. mars 2010 i ein privatlandskamp heime mot Argentina. Han vart teken ut i Tyskland sin tropp til fotball-VM i Sør-Afrika same året, og dette vart det store internasjonale gjennombrotet hans. Han spelte seks av Tyskland sine sju kampar, men måtte stå over semifinalen grunna to gule kort. I den første gruppekampen, mot Australia, skåra han det første landslagsmålet sitt, og han skåra til saman fem mål i turneringa. Han vart dermed delt toppskårar i turneringa, saman med tre andre spelarar som òg skåra fem mål. Müller hadde flest målgivande pasningar i tillegg, og vann dermed toppskårarprisen "gullstøvelen". Han vart òg kåra til beste unge spelar i turneringa.