Ulan-Ude
| Ulan-Ude Ула́н-Удэ́ | |||
|---|---|---|---|
 | |||
| |||
| Plassering | |||
  | |||
 | |||
| Styresmakter | |||
| Land |  Russland
| ||
| Føderasjonssubjekt | Burjatia | ||
| Grunnlagd Bystatus |
1666 1775 | ||
| Borgarmeister | Gennadi Aidajev | ||
| Geografi | |||
| Flatevidd - By |
377 km² | ||
| Innbyggjarar - Totalt (2007) - folketettleik |
343 000 909,8 /km² | ||
| Koordinatar | 51°50′N 107°37′E / 51.833°N 107.617°E | ||
| Høgd over havet | 530 moh. | ||
| Tidssone - Ved sommartid |
IRKT (UTC+8) IRKST (UTC+9) | ||
| Diverse annan informasjon | |||
| Postnummer | 670000–670051 | ||
| Retningsnummer (tlf) | (+7)3012 | ||
| Bilnummer | 03 | ||
| Nettstad: www.ulan-ude-eg.ru/ | |||
Ulan-Ude (russisk Ула́н-Удэ́, burjatisk Улаан-Үдэ – Ulaan-Üde) er hovudstaden i Republikken Burjatia i Russland. Han ligg rundt 4500 km aust for Moskva og 100 km søraust for Bajkalsjøen. I 2007 hadde byen om lag 340 000 innbyggjarar.
Han ligg ved foten av fjellkjedene Khamar-Daban og Ulan-Burgasy-fjella, like ved staden der elva Selenga renn saman med sideelva Uda som deler byen i to.
Historie[endre | endre wikiteksten]
Busetnaden Udinskoje (russisk Удинское) vart grunnlagd i 1666 som ein overvintringsstasjon av kosakkar. I 1775 fekk han byrettar under namnet Udinsk, som vart endra til Verkhneudinsk (russisk Верхнеу́динск) i 1783. På grunn av den geografiske plasseringa voks byen raskt og vart eit viktig handelssenter som knytte Russland til Kina og Mongolia. Etter ein stor brann i 1878 vart byen gjenoppbygd heilt frå grunnen av. 27. juli 1934 fekk byen det noverande noverande namn Ulan-Ude (burjatisk for Raude Uda).
Økonomi og næringsliv[endre | endre wikiteksten]
Byen er det kulturelle og økonomiske senter i Transbajkal-området.
I Ulan-Ude ligg Den statlege flyfabrikk Nr. 99 , som mellom anna produserer flytypane Mil Mi-14,Mil Mi-8 og Su-25.
Transport[endre | endre wikiteksten]
Ulan-Ude er eit knutepunkt mellom den transsibirske og den transmongolske jernbanen.
Ulan-Ude lufthamn (Mukhino) ligg 10 km vest for bysentrum, medan den mindre Ulan-Ude Vostotsjnyj lufthamn ligg 12 km mot aust.
Innanfor byen består kollektivtrafikken av trikkar, bussar og marsjrutka (rutetaxi).
Attraksjonar[endre | endre wikiteksten]
Ikkje langt frå Ulan-Ude, nær landsbyen Ivolginsk, ligg eit buddhistisk kloster (Dazan). Byen har òg eit etnografisk museum, som viser det historiske tilværet av dei forskjellige folkegruppene i regionen: evenkar, urinnvånarane i området, burjatar, eit mongolsk folk som tradisjonelt vedkjenner seg Vajrayana-buddhismen, Semejskije, eit trussamfunn av såkalla gammaltruande og russarar.
Byen er òg kjent for det monumentale minnesmerket over Vladimir Lenin på det sentrale torget i byen, det største Leninhovudet i verda.
Langs elvebreiddene i det historiske sentrumet i byen ligg gamle herskapshus til handelsmenn, rikt dekorert med utskjeringar i tre og stein. Dei representerer utsøkte døme på russisk klassisisme.
Utdanning[endre | endre wikiteksten]
Byen har mange institusjonar for høgare utdanning, mellom anna Burjatia statlege jordbruksakademi, Burjatia statlege universitet, Austsibirske statlege akademi for kultur og kunst og Austsibirske statlege teknologiske universitet.
Bakgrunnsstoff[endre | endre wikiteksten]
- Offisielt nettstad for Ulan-Ude Arkivert 2007-10-17 ved Wayback Machine.
- Nettstad for administrasjonen i Ulan-Ude Arkivert 2007-11-16 ved Wayback Machine.
- Ulan-Ude på MojGorod.ru
