Andreapol

Andreapol Андреаполь
Horisonten til
Byvåpenet til Andreapol
Plassering
Styresmakter
Land	Russland
Føderasjonssubjekt	Tver oblast
Grunnlagd Bystatus	1907 1967
Geografi
Innbyggjarar  - Totalt (2008)	8 723
Koordinatar	56°39′N 32°16′E
Tidssone - Ved sommartid	MSK (UTC+3) MSD (UTC+4)
Diverse annan informasjon
Retningsnummer (tlf)	48267
Nettstad: www.andreapol.ru

Andreapol (russisk Андреа́поль) er ein by i Tver oblast i Russland med om lag 9000 innbyggjarar. Han ligg i Valdajhøgdene, ved den øvre delen av elva Daugava, 220 km vest for Tver.

Historie

Landsbyen Dubna like ved Andreapol vart først nemnt i skriftlege kjelder i 1489. Byen sjølv går tilbake til 1907, då det vart bygd ei jernbanelinje til området, og ein jernbanestasjon opna. Under andre verdskrigen vart distriktet og stasjonen okkupert av tyske styrkar (hausten 1941 — vinteren 1942). Andreapol fekk bystatus i 1967.

Økonomi og næringsliv

Andreapol ligg i eit område med mykje skog. Tømmerindustrien er derfor dominerande i byen, med mellom anna eit stort sagbruk. Byen har òg ein stor jordbruksretta verksemd, samt produksjon av porselen.

Tre kilometer aust for byen ligg Andreapol flybase, ein viktig jagerflybase for forsvaret av Moskva.

Kjelder

• Delar av denne artikkelen bygger på «Andreapol» frå Wikipedia på bokmål, den 25. januar 2009.