McDonald’s
| McDonald’s | |||
 | |||
.JPG) McDonald's-resturant på Tiller i Trondheim. | |||
| Org.form | Delaware-selskap | ||
|---|---|---|---|
| Bransje | Drift av hurtigmatrestauranter, catering, overnattings- og serveringsvirksomhet, mat- og tobakksindustri | ||
| Skipa | 15. mai 1940 | ||
| Eigar | BlackRock, State Street Corporation, The Vanguard Group | ||
| Dotterselskap | McDonald's Canada, McDonald's Philippines, McDonald's France | ||
| Eigenandel i | Hamburger University, Shamrock Shake, 600 @ Toa Payoh | ||
| Hovudkontor | Chicago, Illinois | ||
| Land | USA | ||
| Produkt | snøggmat | ||
| Grunnleggjar(ar) | Ray Kroc, Richard og Maurice McDonald | ||
| Adm.dir. | Chris Kempczinski | ||
| Salsinntekter | 11 712 000 000 USA-dollar (2024)[1] | ||
| Omsetnad | 11 712 000 000 USA-dollar (2024)[1] | ||
| Resultat | 8 223 000 000 USA-dollar (2024)[1] | ||
| Marknadsverdi | 173 430 000 000 USA-dollar (8. april 2021)[2] | ||
| Nettstad | https://www.mcdonalds.com (engelsk) | ||
McDonald's Corporation er ei amerikansk snøggmatkjede som sel hamburgerar, pommes frites og liknande. Kjeda er den største på området i verda og omfattar over 31 000 restaurantar i om lag 120 land, dei fleste baserte på franchising. McDonald's er fleire stader i verda blitt eit symbol for aukande globalisering og eksport av amerikansk kultur og næringsliv og utsett for protestdemonstrasjonar. Kjeda blir også kritisert for å servere usunn mat som bidrar til overvekt, særleg hos ungdom. Omsetjing var i 2004 på om lag 19 milliardar amerikanske dollar og selskapet hadde då kring 440 000 tilsette.
Historikk
[endre | endre wikiteksten]Brørne Maurice (Mac) og Richard (Dick) McDonald opna i 1948 ein drive-in restaurant i San Bernardino i California, som serverte hamburgerar, pommes frites og milkshake. Brørne hadde frå 1940 drive ein liknande grillrestaurant same stad. I 1953 utvida dei drifta til fleire restaurantar via franchising, og i 1954 gjorde dei Raymond Albert Kroc (1902–84), ein seljar av milkshake-maskiner, til franchise-agent. Han opna i 1955 sjølv ein restaurant i Des Plaines i Illinois, som kjeda no refererer til som sin første og starten på selskapet. I 1960 omfatta kjeda (no McDonald's Corporation) over 200 restaurantar i USA, og året etter kjøpte Kroc ut brørne og lanserte logoen med ein M forma som to gylne bogar (Golden Arches). Logoforma var tidlegare brukt som byggedesign i dei førte restaurantane til brørne McDonalds. Reklamefiguren og klovnen Ronald McDonald kom på TV første gong i 1963, og McDonald's vart i 1965 eit børsnotert aksjeselskap. I 1968, same år som hamburgeren Big Mac vart lansert, opna McDonald's sin restaurant nummer tusen, og gjennom 1970-åra auka talet på restaurantar med om lag 500 per år. Den første restauranten utanfor USA vart opna i Canada i 1967, dei første i Europa i Tyskland og Nederland i 1971, den første i Norden i Sverige i 1973 (Stockholm), og i 1990 opna McDonald's ein restaurant i Moskva.[3]
I Noreg vart den første McDonald's-restauranten opna i Oslo i 1983.[4] McDonald's Norge AS er eigd med halvparten kvar av McDonald's Corporation og administrerande direktør Theo Holm og har ei omsetjing på over 1 milliard norske kroner. Per 2005 var det 67 norske restaurantar med om lag 2500 tilsette.
Veldedig arbeid
[endre | endre wikiteksten]Gjennom den norske stiftinga Ronald McDonald Barnefond har verksemda òg bygd bustadtilbod til familiar med barn innlagde ved sjukehus, og det finst tilsvarande rom eller hus i fleire andre land. I 2016 byrja dei stiftinga eit samarbeid med Stine Sofies Stiftelse om å byggja Stine Sofie Senteret for valdsutsette barn.[5]
Kjelder
[endre | endre wikiteksten]- 1 2 3 «Form 10-K». 25. februar 2025.
- ↑ «McDonald's (MCD) Stock Key Data».
- ↑ «McDonald's to leave Russia for good after 30 years». BBC News (på britisk engelsk). 2022-05-17.
- ↑ «Om McDonald's», www.mcdonalds.com (på bokmål), henta 2022-03-15
- ↑ «Ronald McDonald's Barnefond», www.mcdonalds.com (på bokmål), arkivert frå originalen 2022-04-21, henta 2022-03-15
{{citation}}: Invalid|url-status=yes(hjelp)
Bakgrunnsstoff
[endre | endre wikiteksten]
Wikimedia Commons har multimedia som gjeld: McDonald’s