Finn Kristensen

Frå Wikipedia – det frie oppslagsverket
Finn Kristensen
Fødd24. juli 1936 (86 år)
Brevik
Statsborgar avNoreg
PartiArbeidarpartiet
Yrkepolitikar
VervNorsk industriminister 4. februar 1981–14. oktober 1981
FøregangarLars Skytøen
EtterfylgjarJens-Halvard Bratz
VervNorsk industriminister 9. mai 1986–16. oktober 1989
FøregangarPetter Thomassen
VervNorsk olje- og energiminister 3. november 1990–31. desember 1992
FøregangarEivind Reiten
VervNorsk olje- og energiminister 1. januar 1993–7. oktober 1993
EtterfylgjarJens Stoltenberg
VervStortingsrepresentant 1969–1973, 1973–1977, 1977–1981, 1981–1985

Finn Kristensen (fødd 24. juli 1936) er ein norsk politikar frå Brevik i Telemark. Han var i tida 1981-93 statsråd i tre regjeringar leia av Gro Harlem Brundtland, og stortingsrepresentant frå Telemark og for Arbeidarpartiet frå 1969 til 1985.

Yrke og stortingsrepresentant[endre | endre wikiteksten]

Kristensen var son til ein sveisar. Etter å ha vore lærling 1950-53 gjekk han 1954/55 sterkstraumlina ved Oslo elementærtekniske skole. Det neste året var han elektriker til sjøs, medan han åra 1958-62 var elektrikar ved Dalen Portland Cementfabrikk Norcem. Frå 1962 til -65 var han instruktør i Arbeidernes opplysningsforbund, sidan fylkessekretær i Telemark Arbeidarparti til 1969.

Valperioden 1960-63 var Kristensen medlem i Eidanger heradsstyre. Etter kommunesamanslåing var han medlem i Porsgrunn kommunestyre i to valperiodar, 1964-67 og 1968-71. I september 1969 vart han vald til å representere Arbeidarpartiet og Telemark fylke på Stortinget. Han var då 1969-73 medlem i Forsvarskomiteen. Etter attval 1973 og -77 var han medlem i Industrikomiteen til 16. oktober 1979, då han vart vald til formann i same komite.

Statsråd[endre | endre wikiteksten]

Då Gro Harlem Brundtland danna si fyrste regjering, 4. februar 1981, vart Kristensen utnemnd til industriminister, ein post han hadde til regjeringa gjekk av midt i oktober. Stortingsperioden 1981-85 var Kristensen nestformann i Energi- og industrikomiteen.

Etter eit mellomspel som direktør i T-invest på Notodden kom Kristensen tilbake som statsråd også i Brundtlands andre regjering. Frå 9. mai 1986 til regjeringa måtte gå 16. oktober 1989, leia han Industridepartementet/Næringsdepartementet. I om lag eitt år var han så avdelingsdirektør i Statoil.

Også då Brundtland skipa regjering for tredje gong, 3. november 1990, tok ho med Kristensen med i statsrådskollegiet. Han fekk då leie Olje- og energidepartementet, seinare kalla Nærings- og energidepartementet, til han vart skifta ut 7. oktober 1993. I realiteten var det mykje same departementet som han styrte i tida 1986-89.

Næringsdrivar[endre | endre wikiteksten]

Frå 1994 gjekk Kristensen over til å drive forretning. Han starta då opp F.K. Bedriftsutvikling, som han leia til 2007. Åra 1994-97 var han elles rådgjevar for selskapa ABB og FIBA Nordic Securities.

Kjelder[endre | endre wikiteksten]