Flytog
Eit flytog er ein jernbane som knyter ei lufthamn til sentrum av ein by eller tettstad. Dette kan vere dedikerte ekspresstog (slik som det norske Flytoget), eller ei eksisterande togrute eller bane. Dette kan vere fjerntog, regiontog, intercitytog, lokaltog, t-bane eller bybane. Som regel er det ein jernbanestasjon i eller i gangavstand frå terminalbygget, eller så er stasjonen knytt til lufthamna med buss.
Flytog i Noreg
[endre | endre wikiteksten]- Oslo lufthamn, Gardermoen: Gardermoen stasjon er ein av dei mest trafikkerte stasjonane i Noreg. Flytoget har i dag Gardermoen som endestasjon og er ein viktig tilbringar frå Lillestrøm, Oslo, Sandvika, Asker og Drammen, som frå 2009 er den andre endestajonen. NSB sine lokaltog, intercitytog og fjerntog stoggar òg ved Gardermoen. Desse knyter byane nord for Gardermoen, Hamar og Lillehammer, til flyplassen. I tillegg bind Intercitytoga Gardermoen saman med Torp og vestfoldbyane.
- Trondheim lufthamn, Værnes: NSB stoppar ved Værnes stasjon som er i gangavstand frå terminalbygget. Stasjonen er ein del av det som tidlegare vart kalla Trønderbanen og har tog kvar time til Trondheim, Levanger, Verdal og Steinkjer. I samband med utbygginga av Værnes og ny jernbanetunnel mellom Hommelvik og Hell på Meråkerbanen vil det bli mogleg med avgang kvar halvtime.
- Sandefjord lufthamn, Torp: NSB stoppar frå 2008 ved Torp stasjon på Vestfoldbanen med eigen buss til terminalen.[1]
- Moss lufthamn, Rygge: NSB stoppar frå 2007 ved Rygge stasjon på Østfoldbanen med eigen buss til terminalen.[2]
- Bergen lufthamn, Flesland: Bybanen i Bergen er planlagt utbygd med endestasjon på Flesland.[3]