Fyresdal

Fyresdal
Moland
tettstad
Land	Noreg
Fylke	Telemark
Kommune	Fyresdal
Areal	0,63 km²
Folketal	375 (2024)
Folketettleik	595 / km²
Postnummer	3870 FYRESDAL
Innbyggjarnamn	fyresdøl
Preposisjon	i Fyresdal
Moland 59.185556°N 8.091667°E / 59.185556; 8.091667
Wikimedia Commons: Moland, Fyresdal

Fyresdal, eller Moland, er einaste tettstad og eit administrasjonssenter i Fyresdal kommune i sørvestlegaste delen av Telemark fylke. Bygda ligg langs Fv355 i nordenden av Fyresvatn, omtrent fem mil frå Treungen i Nissedal kommune i søraust og like langt frå Dalen i Tokke kommune i nord. Det meste av offentlege og private tenester i kommunen ligg på staden.

Historie

På 1870-talet oppstod på grunnen til Folkestad gard eit nærings- og handverkssentrum som vart kalla Folkestadbyen. Det var tre gater i eit triangelmønster: Hovudvegen (no Folkestadgata-Gamleveg), Skippergata og Lensmannsgata. I laupet av 40 år vart hus flytta dit frå andre delar av bygda, og nye vart oppførte, fleire av dei i sveitserstil. Her budde handverkarar av ymse slag, men òg folk som lensmann, kaptein på rutebåten på Fyresvatn, postkøyrar, jordmor og handelsmenn. Innanfor denne litle byen fanst så seint som for 60 år sidan fem-seks daglegvarebutikkar, manufakturhandel, meieri, bakeri, bedehus og vertshus.

Etter kvart har tettstaden vakse ytterlegare, og i dag nyttast namnet Folkestadbyen berre om dei gamle delane. Ein del av dei gamle husa tilhøyrer Fyresdal bygdemuseum, som i sin tur er ein del av Vest-Telemark Museum. Folkestadbyen fekk i 2003 tettstadsprisen for Telemark.

Folketalsutvikling

Folketalsutvikling i Fyresdal tettstad
År			Innbyggjarar
1890			95
1900			127
1910			174
1920			147
1930			169
1946			150
1950			197
1960			304
1970			379
1980			473
1990			313
2000			403
2009			354
2012			352
Kjelder: SSB: Norske folketeljingar