Hopp til innhald

Fyresdal kommune

Koordinatar: 59°11′11.4″N 8°5′22.3″E / 59.186500°N 8.089528°E / 59.186500; 8.089528
Frå Wikipedia – det frie oppslagsverket
Fyresdal kommune
kommune
Kommunevåpen
Land  Noreg
Fylke Telemark
Adm.senter Fyresdal
Areal 1 281 km²
 •  land 1 110 km²
 •  vatn 181 km²
Folketal 1 256  (1. januar 2024)
Målform nynorsk
Ordførar Erik Skjervagen (Ap)
Kommunenr. 4032
Kart
Fyresdal komune
59°09′57″N 8°01′11″E / 59.165833333333°N 8.0197222222222°E / 59.165833333333; 8.0197222222222
Wikimedia Commons: Fyresdal
Nettstad: www.fyresdal.kommune.no

Fyresdal er ein norsk kommune som ligg sørvest i Telemark fylke. Han grensar mot Åmli, Bygland og Valle i Agder fylke, og mot Tokke, Kviteseid og Nissedal i Telemark.

Kommunen vart oppretta som Moland ved innføringa av formannskapslovene i 1838 og har ikkje hatt grensebrigde. Namnet blei endra til Fyresdal i 1879. Kommuneadministrasjonen held til i tettstaden Fyresdal.

Namn og symbol[endre | endre wikiteksten]

Namnet kjem av innsjønamnet Fyrir, det gamle namnet på Fyresvatn. Ordet fyrir er ein preposisjon som tyder det som ligg framanfor eller i vegen for ein. Dette gjorde vatnet då ein i folkevandringstida trengde seg oppover mot og inn i denne dalen utan farbare strender ein kunne ferdast langs. På norrønt vart det då Fyrisdalr, der førstedelen av namnet er genitiv av *Fyrir (no Fyresvatn). Det siste elementet, dalr, tyder 'dal'. Ein person frå Fyresdal vert kalla for «fyresdøl».

Kommunevåpenet til Fyresdal viser to skråstilte øksar i sølv på grøn botn. Det står for jordbruksnæring og skogdrift.[1] Våpenet vart godkjent ved kongeleg resolusjon den 24. april 1992.

Utsyn over Fyresvatn

Geografi[endre | endre wikiteksten]

Kommunen er prega av Fyresdalen, eit nord-sørgåande dalsystem med det 26 km lange Fyresvatnet i botnen.

Næringsliv[endre | endre wikiteksten]

Dei viktigaste næringane i Fyresdal har gjennom lengre tid vore skogbruk og jordbruk, særleg med husdyr som sau og storfe. Skogane gir ein årleg produksjon på om lag 33 000 m³ tømmer kvart år.[1] Kommunen har òg tre kraftverk med ein årleg produksjon på 327 GWh. Fjellterrenget har lenge vore brukt til jakt og fiske, og trekker i dag turistar.

Det er litt industri i kommunen, mellom anna Telemark Kildevann som tappar kjeldevatn, ein mekanisk verkstad og møbel- og trevareindustri.

Samferdsle[endre | endre wikiteksten]

Tårnet på Fyresdal flyplass

Langs Fyresvassdraget gjennom kommunen går Fylkesveg 355 frå nord til sør, der han har samband med Rv. 41. I nord er han knytt saman med Fv. 38, og møter Europaveg 134 Drammen-Haugesund på Åmot i Vinje.[1] Like nord for administrasjonssenteret Fyresdal, ved Verpe, ligg ein småflyplass, Fyresdal flyplass.

Kultur[endre | endre wikiteksten]

Ved Molandsmoen står Skeisteinen, ein runestein frå 1100-talet. Eit stort gravfelt ligg i parkområdet Øyskogen, med nokre freda furutre.

I kommunen ligg Moland kyrkje, ei krosskyrkje i tre frå 1843, og Veum kyrkje frå 1873.[1]

Kjende personar frå Fyresdal[endre | endre wikiteksten]

Kjelder[endre | endre wikiteksten]

Fotnotar

Bakgrunnsstoff[endre | endre wikiteksten]

59°11′11.4″N 8°5′22.3″E / 59.186500°N 8.089528°E / 59.186500; 8.089528