Heart of Steel av Tvorchi

Frå Wikipedia – det frie oppslagsverket
«Heart of Steel»
Song av Tvorchi

Land Ukraina
Språk Engelsk, ukrainsk
Utgjeve 13. januar 2023
Sjanger Pop
Lengd 02:22
Låtskrivar(ar) Andrij Hutsuljak, Jimoh Augustus Kehinde

«Heart of Steel» (norsk omsetjing: ‘hjarte av stål’) er ein ukrainsk elektropoplåt frå 2022 av og med duoen Tvorchi. Songen vann den ukrainske songtevlinga Vidbir i desember 2022 og var det ukrainske bidraget til Eurovision Song Contest 2023 i Liverpool i Storbritannia.

Om songen[endre | endre wikiteksten]

«Heart of Steel» er skriven av elektronikaduoen Tvorchi, beståande av ukrainske Andrij Hutsuljak og nigeriansk-fødde Jimoh Augustus.[1] Dei skreiv songen og teksta våren 2022, inspirert av dei ukrainske soldatane og motstandsfolka som lenge stod imot russiske styrkar ved stålverket Azovstal i Mariupol, aust i Ukraina.[1][2]

Vidbir og Eurovision Song Contest[endre | endre wikiteksten]

I desember 2022 var «Heart of Steel» blant bidraga i den tv-sende ukrainske songtevlinga Vidbir.[3] Vinnaren fekk representere Ukraina i Eurovision Song Contest 2023. Den ukrainske finalen fann stad 17. desember 2022 i den underjordiske t-banestasjonen ved Majdan-plassen, som følgje av krigen i landet.[4][5]

Tvorchi og «Heart of Steel» vann Vidbir med nest flest røyster frå fagjuryen og flest røyster frå sjåarane.[6] Gjennom sigeren fekk duoen representere Ukraina i Eurovision Song Contest i Liverpool i Storbritannia.[7] Som følgje av at Ukraina vann Eurovision Song Contest året før, var landet direktekvalifisert for finalen laurdag 13. mai 2023.[7] I finalen fekk sangen til saman 243 poeng og enda på sjetteplass, rett bak Alessandra og «Queen of Kings» frå Noreg.[8]

Utgjevingshistorikk[endre | endre wikiteksten]

Den ukrainske kringkastaren Suspilne la låten ut for strøyming på YouTube 1. desember 2022.[9][10] Songen blei gjeven ut som singel 9. desember, og han var del av EP-en med same namn, som blei sloppen litle julaftan same år.[11]

Region Dato Format Merke
Diverse 1. desember 2022 Strøyming Gjeven ut på eige forlag
9. desember 2022 Digital nedlasting[11]
23. desember 2022 EP-utgjeving[11][12]

Listeplasseringar[endre | endre wikiteksten]

Liste (2023) Høgaste
plassering
Finland (Suomen virallinen lista)[13] 37
 Hellas (IFPI)[14] 84
 Island (Tónlistinn)[15] 35
 Litauen (AGATA)[16] 12
 Polen (Polish Streaming Top 100)[17] 97
Flagget til Samveldet av uavhengige statar SUS (TopHit)[18] 171
 Sverige (Sverigetopplistan)[19] 65
UK Singles (Official Charts Company)[20] 95
UK Indie (Official Charts Company)[21] 32
 Ukraina (TopHit Airplay)[22] 5

Kjelder[endre | endre wikiteksten]

  1. ↑ 1,0 1,1 «Thelyrics of the Tvorchi song selected for Eurovision 2023». english.nv.ua (på engelsk). Henta 29. desember 2022. 
  2. ↑ Veen, Renske ten (17. desember 2022). «Tvorchiwins Vidbir and will represent Ukraine at Eurovision 2023 with "Heart of Steel"». wiwibloggs (på engelsk). Henta 29. desember 2022. 
  3. ↑ «Ukraine: TVORCHI wins Vidbir with 'Heart Of Steel'». eurovision.tv (på engelsk). 17. desember 2022. Henta 18. desember 2022. 
  4. ↑ Ritzau/NTB (17. desember 2022). «Tvorchi vant Ukrainas Melodi Grand Prix». www.aftenposten.no (på norsk bokmål). Henta 18. desember 2022. 
  5. ↑ «Heartof Steel: Ukraine chooses Eurovision act in bomb shelter contest». euronews (på engelsk). 18. desember 2022. Henta 29. desember 2022. 
  6. ↑ «Ukraine picks Eurovision 2023 entry from underground bomb shelter». WashingtonPost (på engelsk). ISSN 0190-8286. Henta 29. desember 2022. 
  7. ↑ 7,0 7,1 «Eurovision 2023: Ukraine chooses Tvorchi from bomb shelter». BBCNews (på engelsk). 17. desember 2022. Henta 18. desember 2022. 
  8. ↑ «GrandFinal of Liverpool 2023 - Eurovision Song Contest». eurovision.tv. Henta 18. mai 2023. 
  9. ↑ Farren, Neil (1. desember 2022). «Ukraine: Vidbir 2023 Songs and Running Order Revealed». Eurovoix (på engelsk). Henta 29. desember 2022. 
  10. ↑ «Пісніфіналістів Нацвідбору на Євробачення-2023 - YouTube». www.youtube.com. Henta 29. desember 2022. 
  11. ↑ 11,0 11,1 11,2 «Recording“Heart of Steel” by TVORCHI - MusicBrainz». musicbrainz.org. Henta 29. desember 2022. 
  12. ↑ «TVORCHIpresented EP Heart of Steel». Woman Magazine (på engelsk). 24. desember 2022. Henta 29. desember 2022. 
  13. ↑ "Finnishcharts.com – Tvorchi – Heart of Steel". Suomen virallinen lista. Hung Medien.
  14. ↑ «IFPI Charts». ifpi.gr. Arkivert frå originalen 25. mai 2023. Henta 24. mai 2023. 
  15. ↑ «TÓNLISTINN– Streymi, spilun og sala viku 19, 2023» (på islandsk). TónlistinnPlötutíðindi. 13. mai 2023. Arkivert frå originalen 15. mai 2023. Henta 18. mai 2023. 
  16. ↑ «202320-os savaitės klausomiausi (Top 100)» (på litauisk). AGATA. 19. mai 2023. Henta 19. mai 2023. 
  17. ↑ «OLiS– oficjalna lista sprzedaży – single w streamie» (Select week 12.05.2023–18.05.2023.) (på polsk). OLiS. Henta 26. mai 2023. 
  18. ↑ «Heartof Steel – Tvorchi». TopHit. Henta 17. mai 2023. 
  19. ↑ «VeckolistaSinglar, vecka 20». Sverigetopplistan. Henta 19. mai 2023. 
  20. ↑ "Archive Chart" UK Singles Chart. Official Charts Company.
  21. ↑ "Archive Chart" UK Indie Chart. Official Charts Company.
  22. ↑ «UkraineAirplay Chart for 2023-04-21». TopHit (på finsk). Henta 18. mai 2023. 
Henta frå «https://nn.wikipedia.org/w/index.php?title=Heart_of_Steel_av_Tvorchi&oldid=3518522»