Kuzma Petrov-Vodkin

	Kuzma Petrov-Vodkin
	;
Fødenamn	Кузьма Сергеевич Петров-Водкин
Statsborgarskap	Det russiske imperiet, Den russiske sosialistiske føderative sovjetrepublikken, Sovjetunionen
Fødd	24. oktober 1878; Khvalynsk
Død	15. februar 1939 (60 år); St. Petersburg
Yrke	kunstmålar, sjølvbiograf, skribent, grafikar, scenograf, kunstteoretiker, skodespelforfattar
Språk	russisk
Sjanger	portrett, stilleben, grafikk
Medlem av	Sovjetunionens kunstnerforbund[*]
Ektefelle	Maria Petrova-Vodkina
	Kuzma Petrov-Vodkin på Commons

Kuzma Sergejevitsj Petrov-Vodkin ( 5. november 1878–15. februar 1939) var ein russisk-sovjetisk målar, grafikar, kunstteoretikar, forfattar og pedagog.

Liv og gjerning

Petrov-Vodkin vart fødd byen Khvalynsk (i dagens Saratov oblast), der faren var skomakar. På 1890-talet studerte han målarkunst og teikning i Samara, vidare 1895-97 på sentralskulen for teknisk teikning i St. Petersburg. Seinare flytta han til Moskva, der han studerte hos Valentin Serov og særleg Konstantin Korovin på Moskvas skule i måling, bilethogging og arkitektur. År 1901 heldt han fram studiet i München. 1904 fullførte han studiane i Moskva og for til Paris, for å gå i privatlære. Han la også ut på studieferder til Italia og Nord-Afrika.

Petrov-Vodkin slo gjennom med Draumen i 1910, eit bilete den ortodokse kyrkja fann vel erotisk. År 1911 vart han medlem i Mir iskusstva. Hans mest kjende verk er Bading av ein raud hest. Kunsten hans var omdiskutert mellom dei fremste russiske målarane, Aleksandr Benois forsvara den, medan Ilja Repin var avvisande.

I sovjet-tida arbeidde Petrov-Vodkin mykje som grafikar og dramatikar. Kunstverka hans frå denne tida er mørkare, ofte haldne i ein stil som kan minne litt om bysantisk kunst og ikonmåling. Han forfatta dessutan forteljingar og småstykke, samt teoretiske skrifter.

Frå 1918 til 1933 underviste han i det Frie Statlege Kunstpedagogiske Atelier i Petrograd (Leningrad).

I 1927 vart han diagnostisert med tuberkulose og måtte etter kvart meir eller mindre gje opp målinga. Han skreiv i denne tida tre halvt sjølvbiografiske bøker, som alle nådde ein stor lesekrins.

Galleri

Petrograd-Madonna
Moderskap
I skotlinja
1919. Alarm.
Boys at play
Innflyttingsselskap
Teater. Farse.
Teater. Trageiey.
Stilleben med ei sild.
Badarmorgon
Fiskardotter
Tørst krigar
Lenin

Kjelder

Denne artikkelen bygger på «Kusma Sergejewitsch Petrow-Wodkin» frå Wikipedia på tysk, den 1. desember 2009.

Bakgrunnsstoff

Wikimedia Commons har multimedia som gjeld: Kuzma Petrov-Vodkin

Kuzma Petrov-Vodkin

Fødenamn	Кузьма Сергеевич Петров-Водкин
Statsborgarskap	Det russiske imperiet, Den russiske sosialistiske føderative sovjetrepublikken, Sovjetunionen
Fødd	24. oktober 1878 Khvalynsk
Død	15. februar 1939 (60 år) St. Petersburg
Yrke	kunstmålar, sjølvbiograf, skribent, grafikar, scenograf, kunstteoretiker, skodespelforfattar
Språk	russisk
Sjanger	portrett, stilleben, grafikk
Medlem av	Sovjetunionens kunstnerforbund[*]
Ektefelle	Maria Petrova-Vodkina
Kuzma Petrov-Vodkin på Commons