Kuzma Petrov-Vodkin

Frå Wikipedia – det frie oppslagsverket
Hopp til navigering Hopp til søk
Kuzma Petrov-Vodkin
PetrovVodkin Avtoportret 1918.jpg
Fødenamn Кузьма Сергеевич Петров-Водкин
Fødd 24. oktober 1878
Khvalynsk
Død

15. februar 1939
St. Petersburg

Sjanger portrett, stilleben

Kuzma Sergejevitsj Petrov-Vodkin (5. november 187815. februar 1939) var ein russisk-sovjetisk målar, grafikar, kunstteoretikar, forfattar og pedagog.

Liv og gjerning[endre | endre wikiteksten]

Bading av ein raud hest, 1912
Draumen, 1910

Petrov-Vodkin vart fødd byen Khvalynsk (i dagens Saratov oblast), der faren var skomakar. På 1890-talet studerte han målarkunst og teikning i Samara, vidare 1895-97 på sentralskulen for teknisk teikning i St. Petersburg. Seinare flytta han til Moskva, der han studerte hos Valentin Serov og særleg Konstantin Korovin på Moskvas skule i måling, bilethogging og arkitektur. År 1901 heldt han fram studiet i München. 1904 fullførte han studiane i Moskva og for til Paris, for å gå i privatlære. Han la også ut på studieferder til Italia og Nord-Afrika.

Petrov-Vodkin slo gjennom med Draumen i 1910, eit bilete den ortodokse kyrkja fann vel erotisk. År 1911 vart han medlem i Mir iskusstva. Hans mest kjende verk er Bading av ein raud hest. Kunsten hans var omdiskutert mellom dei fremste russiske målarane, Aleksandr Benois forsvara den, medan Ilja Repin var avvisande.

I sovjet-tida arbeidde Petrov-Vodkin mykje som grafikar og dramatikar. Kunstverka hans frå denne tida er mørkare, ofte haldne i ein stil som kan minne litt om bysantisk kunst og ikonmåling. Han forfatta dessutan forteljingar og småstykke, samt teoretiske skrifter.

Frå 1918 til 1933 underviste han i det Frie Statlege Kunstpedagogiske Atelier i Petrograd (Leningrad).

I 1927 vart han diagnostisert med tuberkulose og måtte etter kvart meir eller mindre gje opp målinga. Han skreiv i denne tida tre halvt sjølvbiografiske bøker, som alle nådde ein stor lesekrins.

Galleri[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Kuzma Petrov-Vodkin