Nicoleta Grasu

Frå Wikipedia – det frie oppslagsverket
Hopp til navigering Hopp til søk
Nicoleta Grasu

2012-06-07 Bislett Games Nicoleta Grasu.jpg
Nicoleta Grasu under Bislett Games 2010

Statsborgarskap Romania
Fødd 11. september 1971
Secuieni
Idrett friidrett
Yrke friidrettsutøvar

Nicoleta Grasu, fødd Grădinaru (fødd 11. september 1971), er ein rumensk tidlegare diskoskastar. Ho vann VM-sølv i øvinga i 2001 og EM-sølv i 2010, dessutan tok ho tre VM-bronsar og to EM-bronsar i tida 1998-2009.

Aktiv[endre | endre wikiteksten]

Grasu vart nummer fire i diskostevlinga under EM 1994 i Helsinki, 70 cm bakom den norske bronsevinnaren Mette Bergmann. I den neste europameisterskapen, i Budapest i 1998, kneip Grasu sjølv bronsemedaljen, 2 små centimeter føre Ellina Zvereva frå Kviterussland. Også ved VM 1999 i Sevilla lukkast Grasu vinne bronsen. I 2001 tok Grasu sølvmedaljen i VM i Edmonton, einast Ellina Zvereva kasta lengre.

Etter femteplass i både Sommar-OL 2004 og Friidretts-VM 2005, heldt Grasu fram å sanke medaljar i sesongane frå 2006 til 2010. Han sikra seg såleis bronsen i diskosøvinga både i EM 2006, VM 2007 og VM 2009. Siste internasjonale medaljen, ein sølvmedalje, tok ho i Barcelona-EM 2010. I den katalanske storbyen møtte ho si overkvinne i slovenske Sandra Perković, utøvaren som dominerte øvinga på 2010-talet.

Nicoleta Grasu sitt personbeste på 68,80 meter oppnådde ho i Poiana Brasov 7. august 1999. Også ektemannen Costel Grasu hevda seg i verdstoppen i diskoskasting, med fjerdeplass i Sommar-OL 1992 og VM i friidrett 1993 som sine fremste prestasjonar.

Medaljar og plasseringar i internasjonale meisterskap[endre | endre wikiteksten]

Diskos-finalistane under VM 2007. Grasu nummer to frå venstre (frårekna fotografen)

Kjelder[endre | endre wikiteksten]