No Roses

Frå Wikipedia – det frie oppslagsverket
No Roses
Studioalbum av Shirley Collins og The Albion Country Band
Utgjeve Oktober 1971
Innspelt 1971
Sjanger Folkrock, kunstrock
Lengd 33:30
Selskap Pegasus
Produsent Sandy Roberton, Ashley Hutchings
Shirley Collins-kronologi 
Love, Death and The Lady
(med Dolly Collins)
(1970)
No Roses 'A Favourite Garland'
(1973)
The Albion Country Band-kronologi
No Roses Battle of the Field
(1976)


Meldingar
Karakter
KjeldeKarakter
Allmusic4/5 stars[1]

No Roses er eit studioalbum av Shirley Collins og The Albion Country Band. Det vart spelt inn i Sound Techniques og Air Studios i London, sommaren 1971. Det vart produsert av Sandy Roberton og Ashley Hutchings (ektemannen til Shirley Collins på den tida). Albumet kom ut i oktober 1971 på Pegasus.

Heile 27 forskjellige musikarar spelar på albumet, som består av tradisjonelle folkeviser. Dette skjedde då folk besøkte innspelingane og vart spurt om dei ville delta. «The Murder of Maria Marten», ein lengre song om mordet i den raude låven, er delt inn i fleire delar, der britisk folkrock er blanda med meir tradisjonelle partar. Shirley Collins hadde brukt ein liknande teknikk på «One Night As I Lay on My Bed» på Adieu to Old England.

Somme songar, som «Poor Murdered Woman» og «Murder of Maria Marten» består av store delar av Fairport Convention-besetninga frå slutten av 1969 (Liege and Lief). Faktisk spelar Fairport Convention-medlemmen Ashley Hutchings på alle, Simon Nicol og Richard Thompson på åtte og Dave Mattacks på tre av dei ni songane på albumet.

«Claudy Banks» består av ein komponert duett av Alan Cave på fagott og den britiske frijazz-saksofonisten Lol Coxhill. «Hal-An-Tow» består av medlemmar frå to vokalgrupper, The Watersons (Lal og Mike Waterson) og The Young Tradition (Royston Wood). Både trommeslagaren Roger Powell og pianisten Ian Whiteman hadde tidlegare spelt i lag i bandet Mighty Baby.

Innhald[endre | endre wikiteksten]

Alle songane er arrangement av tradisjonelle folkeviser.

Side ein
Nr.TittelLengd
1.«Claudy Banks»4:37
2.«Little Gipsy Girl»2:16
3.«Banks of the Bann»3:38
4.«Murder of Maria Marten»7:28
Side to
Nr.TittelLengd
5.«Van Dieman's Land»4:59
6.«Just as the Tide Was A-Flowing»2:13
7.«The White Hare»2:43
8.«Hal-An-Tow»2:54
9.«Poor Murdered Woman»4:17

Medverkande[endre | endre wikiteksten]

Medverkande kjem frå databasen Mainly Norfolk.[2]

Kjelder[endre | endre wikiteksten]

  1. Unterberger, Richie. «Shirley Collins / Albion Country Band: No Roses». Allmusic. Henta 20. august 2017. 
  2. http://mainlynorfolk.info/shirley.collins/records/noroses.html Mainly Norfolk: sporliste, line-up and further information concerning No Roses