Olav N. Økern

Frå Wikipedia – det frie oppslagsverket
Jump to navigation Jump to search
Olav N. Økern
Fødd 3. juni 1911
Hole
Død

11. april 2000
Hole

Olav Nilssen Økern (3. juni 191111. april 2000) var ein norsk langrennsløpar. Han konkurrerte i 1930- og 40-åra og representerte Bærums skiklub. I 1948 vann han ein OL-bronse for Noreg under vinter-OL i St. Moritz og i 1938 eit VM-sølv, begge i 4x10 km stafett.

Aktiv[endre | endre wikiteksten]

Økern var med på det norske sølvlaget på stafetten under VM 1938. Vinteren 1940 vann han 18-kilometeren i Holmenkollen.

Under andre verdskrigen var Økern tillitsmann på skifabrikken Splitkein i Oslo og vart arrestert etter Mjølkestreiken. Han sat i tukthus i nærleiken av Hamburg til han vart sett fri i 1942.

Etter verdskrigen var over kom Økern i 1946 på femteplass på 18 km i Holmenkollen. Under OL i 1948 i St. Moritz vart han nummer 13 og nest beste nordmann på 18 km. Sidan i olympiaden gjekk han andreetappen for det norske stafettlaget som vann bronsemedaljen, dei andre løparane var Erling Evensen, Reidar Nyborg og Olav I. Hagen.

Økern deltok også i OL i 1952 i Oslo, og nær 41 år gammal vart han nummer fire på 50 km. Same året vart han også nummer fire på femmila i Holmenkollen, men det var eit renn utan internasjonal deltaking.

Økern vart tildelt Holmenkollmedaljen i 1950. Onkelen Harald Økern fekk Holmenkollmedaljen i 1924.

Medaljar og besteplasseringar i noregsmeisterskap[endre | endre wikiteksten]

  • 1946: Nr 4 på 18 km
  • 1948: Nr 5 på 18 km på Lillehammer
  • 1949: Nr 10 på 18 km på Steinkjer
  • 1950: Bronsemedalje på 30 km
  • 1951: Nr 4 på 50 km i Narvik
  • 1952: Sølvmedalje på 50 km på Eidsvoll og bronsemedalje på 30 km i Porsgrunn

Kjelder[endre | endre wikiteksten]

  • P.Chr. Andersen: Den nye olympiaboken. 1957
  • FIS-profil
  • (en) Olav N. Økern – Profil og resultatoversikt i olympiske konkurransar på sports-reference.com.
  • Bokmålswikipedia