Podiceps

Frå Wikipedia – det frie oppslagsverket
Hopp til navigering Hopp til søk
Podiceps
Montasje av åtte artar, frå venstre mot høgre i tre rekker: Toppdukkar, tiaradukkar, gråstrupedukkar; horndukkar og svarthalsdukkar; junindukkar, sølvdukkar, spydnebbdukkar
Montasje av åtte artar, frå venstre mot høgre i tre rekker:
Toppdukkar, tiaradukkar, gråstrupedukkar;
horndukkar og svarthalsdukkar;
junindukkar, sølvdukkar, spydnebbdukkar
Systematikk
Rike: Dyr Animalia
Rekkje: Ryggstrengdyr Chordata
Underrekkje: Virveldyr Vertebrata
Klasse: Fuglar Aves
Overorden: Neoaves
Orden: Podicipediformes
Familie: Dukkarfamilien Podicipedidae
Slekt: Podiceps
Latham, 1787

Podiceps er ei biologisk slekt av vassfuglar og medlem av dukkarfamilien, Podicipedidae. Dette er dukkarslekta med fleste medlemmer og med dei største dukkarane i «den gamle verda». Representantar hekkar i Europa, Asia, Nord-Amerika og Sør-Amerika. Dei fleste artar på den nordlege halvkula trekker til kysten eller til varmare klima om vinteren.

Som alle dukkarar hekkar dei ved vasskanten, fordi dei ikkje er i stand til å gå godt på land med beina som er festa heilt bakpå kroppen. Vanlegvis legg dei to egg i kullet, og dei stripa ungane blir ofte frakta på ryggen av ein av foreldra.

Alle i slekta er gode symjarar og dukkarar, og forfølgjer fisk under vatn.

Vaksne har ei iaugefallande fjørdrakt, og kjønna er like. Om vinteren er fjørdrakta meir fargelaus i grått og kvitt.

Artslista[endre | endre wikiteksten]

Nolevande artar i Podiceps i rekkjefølgje etter IOC World Bird List V12.1, 2022,[1] med norske namn etter Norske navn på verdens fugler:[2]

  • Spydnebbdukkar, Podiceps major, Great Grebe, (Boddaert, 1783), (LC)
  • Gråstrupedukkar, Podiceps grisegena, Red-necked Grebe, (Boddaert, 1783), (LC)
  • Toppdukkar, Podiceps cristatus, Great Crested Grebe, (Linnaeus, 1758), (LC)
  • Horndukkar, Podiceps auritus, Horned Grebe, (Linnaeus, 1758), (VU)
  • Svarthalsdukkar, Podiceps nigricollis, Black-necked Grebe, Brehm, CL, 1831, (LC)
  • Sølvdukkar, Podiceps occipitalis, Silvery Grebe, Garnot, 1826, (LC)
  • Junindukkar, Podiceps taczanowskii, Junin Grebe, Berlepsch & Stolzmann, 1894, (EN)
  • Tiaradukkar, Podiceps gallardoi, Hooded Grebe, Rumboll, 1974, (CR)
Utrydda artar
  • Colombiadukkar, Podiceps andinus (Meyer de Schauensee, 1959), utrydda per 1977, levde i våtmarksområde nær Bogotá.

Kjelder[endre | endre wikiteksten]

Referansar
  1. Gill F, D Donsker & P Rasmussen (Eds). 2022. IOC World Bird List (v12.1). doi : 10.14344/IOC.ML.12.1 Henta 6. mars 2022
  2. Syvertsen, P. O., Bergan, M., Hansen, O. B., Kvam, H., Ree, V. & Syvertsen, Ø. 2020. Norske navn på verdens fugler. Norsk Ornitologisk Forening https://www.birdlife.no/fuglekunnskap/navn/

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Podiceps