Provinsen Aydın

	Aydın
	Aydın ili
	region
Land	Tyrkia
Region	Egearregionen
Del av	Aydın Subregion
Hovudstad	Aydın
Areal	8 007 km²
Folketal	989 862 (2010)
Folketettleik	124 / km²
Bilnummer	09
Retningsnummer	256
	; Provinsen Aydın; 37°43′42″ N 27°56′14″ E
	Wikimedia Commons: Aydın Province

Provinsen Aydın (tyrkisk Aydın ili) er ein provins sørvest i Tyrkia, i Egearregionen. Provinshovudstaden er byen Aydın som har kring 150 000 (2000). Andre byar i proginsen er feriebyane Didim og Kuşadası.

Historie[endre | endre wikiteksten]

Aydın vart grunnlagd av dei gamle thrakiarane og var ein gong kalla Tralles. Området ligg i ein jordskjelvssone og byen har vorte bygd og bygd opp att av spartanarane, fryganarane, jonarane, lydarane, persarane og romarane. I 1186 tok seldsjukk-trykarane kontroll over området, etterfølgd av anatoliske beylikar av aydinidar. I denne perioden vart byen kalla Aydın Güzelhisar og vart ein del av Det osmanske riket i 1426.

Geografi[endre | endre wikiteksten]

Naboprovinsane er Manisa i nordaust, İzmir i nord, Denizli i aust, Muğla i sør.

Dei sentrale og vestlege delane av provinsane består av frodige sletter som får vatn av ei av dei største elvane i Egearregionen, Büyük Menderes, med Aydınfjella i nord og Menteşefjella i sør. Vestenden av provinsen ligg kysten av Egearhavet med Bafasjøen. Klimaet er typisk for Egearregionen, særs varmt om sommaren.

Distrikt[endre | endre wikiteksten]

Provinsen Aydın er delt inn i 17 distrikt:

Økonomi[endre | endre wikiteksten]

Dei største næringane i provinsen er jordbruk og turisme.

Turisme[endre | endre wikiteksten]

Afroditetempelet i Aphrodisias

Kystbyane Didim og Kuşadası er dei viktigaste feriebyane i provinsen. Kuşadası ligg nær Büyük Menderes Delta nasjonalpark, medan Didim har eit Apollotempel, strender og ligg i nærleiken av ruinane av Miletos frå antikken. Det ligg mange arkeologiske stader i provinsen, som dei gamle kariske byane Alinda og Alabanda.