Anatolios av Konstantinopel

Frå Wikipedia – det frie oppslagsverket
Gå til: navigering, søk
Anatolios av Konstantinopel
Anatolios.jpg
Ikon av patriark Anatolios av Konstantinopel
Fødd 300-talet i Alexandria i Egypt
Daud 3. juli 458 i Konstantinopel (no Istanbul) i Austromarriket
Helgen i Ortodoks kristendom, den katolske kyrkja
Symbol Kledd som biskop med eit evangelium i hendene

Den heilage Anatolios av Konstantinopel {død 3. juli 458) var ein patriark av Konstantinopel på 400-talet.

Anatolios var fødd i Alexandria på andre halvdel av 300-talet, på ei tid då medlemmar av mange adelege familiar i Austromarriket, utrusta med gresk filosofi og ny tru, valde å ta del i den kristne kyrkja.

Då han var ferdig med utdanninga si innan filosofi vart han ordinert som diakon av Kyrillos av Alexandria. Kyrillos deltok på det tredje økumenisk konsilet i Efesos i 431, der deltakarane fordømde læra til Nestorius, som ut frå ortodoks syn var kjettersk.

Anatolios vart verande diakon i Alexandria òg etter Kyrillos sin død i t444, då Dioskoros av Alexandria overtok setet som erkebiskop av Konstantinopel. Dioskoros fylgde læra til Eutyches, som hevda at Guds natur i Kristus har absorbert den menneskelege. Dette vart sett på som kjettersk av den ortodokse kyrkja, som meinte læra undergrov grunnlaget for Kyrkja si lære om frelse og bot for mennesket. I 449 heldt Dioskoros og tilhengarane hans eit kjettersk «rov-konsil», som derimot vart støtta av keisaren. Flavian, som var patriark i Konstantinopel, forfekta rettruskap i den ortodokse kyrkja, men vart avsett og frådømt kjole og krage.

Anatolios vart vald som den nye patriarken og byrja ivrig å gjenopprette klarskap i rettruskapen. På eit kyrkjemøte alt i 450 fordømde han den kjetterske læra til Eutyches og Dioskoros. Pave Leo I nekta først å godta ein biskop som var blitt utnemnd av ein kjettar, men etter at Anatolios hadde demonstrert rettrua si blei han akseptert.[1]

Keisar Theodosius hadde støtta eutychianismen. Då han døydde 28. juli 450 fekk landet Austromarriket nye leiarar som derimot såg på denne læra som kjettersk. Året etter, i 451, vart det fjerde økumeniske konsilet halde i Kalkedon med hjelp av patriark Anatolios. Deltakarane ved det kalkedonske konsilet stadfesta dogmet om å tilbe Kristus som «ein perfekt guddom og eit perfekt menneske, ein ekte Gud og eit ekte menneske».[1]

Kyrkja kjempa mot kjetteri i lang tid og Anatolios var i kontinuerleg kamp mot kjetterske lærer fram til sin død i 458. Sjølve dødsfallet har vore mistenkt for å vera eit drap utført av kjettarar.[2]

Minnefestdager for St. Anatolios[endre | endre wikiteksten]

Bakgrunnsstoff[endre | endre wikiteksten]

Kjelder[endre | endre wikiteksten]

Fotnotar[endre | endre wikiteksten]