Arda i Bulgaria
- Sjå òg Arda i Italia.
| Arda | ||
 |
||
| Utspring | Nær Smoljan i Rodopifjella i Bulgaria | |
| - Høgd | 1 455 m (Ardin vrah) | |
| Munning | Maritsa i Hellas vest for Edirne | |
| Land i nedslagsfelt | Bulgaria, Hellas | |
| Lengd | 290 km (241 km i Bulgaria) | |
| Nedslagsfelt | 5 795 km² | |
Arda (bulgarsk Арда, gresk Άρδας, Árdas) er ei elv som renn i Bulgaria og Hellas. Ho har sitt utspring i Rodopifjella i Bulgaria nær landsbyen Smoljan, og renn 290 km austover forbi Kardzjali og Ivajlovgrad, og så inn i Hellas gjennom nordlege delar av prefekturet Évros, inkludert Kastaniés. Ho munnar så ut i elva Évros (Maritsa), like vest for Edirne i Tyrkia. I den bulgarske delen av elva er det bygd tre demningar med tilhøyrande vasskraftverk, Kardzjalidemningen, Studen Kladenets og Ivajlovgraddemningen. 241 km av elva ligg i Bulgaria, og ho er den lengste elva i Rodopifjella. Brua Djavolski most frå mellomalderen er ei bogebru som kryssar elva 10 km frå Ardino.
Tre gongar i 2005 flauma elva over, særleg i Kastaniés-området, der ho gjorde området om til ein lagune. I lag med Maritsa flauma ho inn i gater og bygningar, slik at fleire menneske vart stranda i heimane sine.
