Det egyptiske flagget

Det egyptiske flagget er ein horisontal trikolor med det egyptiske riksvåpenet sentrert på midtseksjonen. Flagget vart teke i bruk 4. oktober 1984.

Flagget har tre like breie, horisontale striper i raudt, kvitt og svart (rekna ovanfrå); det kvite feltet er pryda med riksvåpenet. Flagget vart opphavleg brukt av den arabiske frigjeringsrørsla i Egypt under kongedømet, vart offisielt teke i bruk i 1972 og fekk si noverande utforming i 1984.

I perioden 1958–71 (Den sameinte arabiske republikken) hadde flagget to grøne stjerner i staden for det egyptiske statsvåpenet i det kvite feltet; dette har sidan 1980 vore flagget til Syria. Det arabiske frigjeringsflagget har i tillegg danna basisen for flagga til Irak, Jemen og Sudan flagg, og det tidlegare flagget til Libya.