Eiksundtunellen
Eiksundtunellen er ein undersjøisk tunell som bind saman Hareidlandet med fastlandet i Møre og Romsdal. Tunellen går mellom øya Eika i Ulstein under Vartdalsfjorden til Sørheim på Berkneshalvøya i Ørsta kommune. Under vegs går den mellom anna under Yksnøya og Lidaveten i Volda. Tunellen er 7765 meter lang. Den er den nest lengste undersjøiske tunelen i Noreg, etter Bømlafjordtunnelen.
Eiksundtunellen er ein del av Eiksundsambandet, som gir kommunane Hareid, Ulstein, Sande og Herøy fastlandssamband. Med ei djupne på 287 meter er Eiksundtunellen no verdas djupaste vegtunell. Arbeidet med tunellen begynte sommaren 2004. Eiksundsambandet opna 23. februar 2008 og er ein del av Fylkesveg 653.
Største stigninga i tunellen er 9,6 % opp mot Eika. Der er det tre felts veg. Stigninga opp mot Berkneshalvøya er 7,6 %. Der er det to felts veg, og den lengste beine vegstrekninga på Sunnmøre, ca 3,5 km rett fram.
Ein må betale bompengar for å få køyre gjennom tunellen. Bomstasjonen er på Sørheim på fastlandssida av tunellen. Den automatiske bomstasjonen aksepterer Autopass og etterbetaling via giro eller kontantar. Ordinær takst for personbilar er NOK 76,-.
[endre] Sjå også
[endre] Bakgrunnsstoff
- Vegen og Vi: Opna mot verda (nr. 4/2008, 28. februar 2008)
- Statens vegvesen: Eiksundsambandet (21. februar 2008)
- Våre Veger: Eiksundsambandet blir forsinket (23. oktober 2007)
