Groruddalen

Frå Wikipedia – det frie oppslagsverket
Gå til: navigering, søk
Alnabru er eit av dei meir industrielle områda i Groruddalen

Groruddalen er eit dalstrøk i den nordaustlege delen av Oslo. Dalstrøket ligg i det tidlegare Østre Aker sokn i Aker kommune og heitte tidlegare Akersdalen.

Bydelar[endre | endre wikiteksten]

Fire av bydelane i Oslo ligg i Groruddalen; Bjerke ligg i vest, Alna i sør, Grorud i nord og Stovner i aust.

Busetnad[endre | endre wikiteksten]

Området har om lag 165 000 innbyggjarar, medan det er over 60 000 arbeidsplassar der. Hovudtyngda av folkesetnaden bur i dalsidene mot nord og sør, mens folketettleiken i midten er noko lågare. Ei storstilt bustadbygging på 1960- og 1970-talet heva folketalet med nesten 70 % mellom 1960 og 1990.

Groruddalen har derimot hatt problem med den høgaste arbeidsløysa i Oslo og lågast utdanningsnivå. Dette er mykje av bakgrunnen til at regjeringa og Oslo kommune saman har sett i gang prosjektet «Groruddalssatsingen», eit tiårsprosjekt som skal medverke til å ruste opp miljøa, og heve livsvilkåra i dalen gjennom satsing på mellom anna kultur og kommunikasjon. Prosjektet starta i 2007 og skal vare til 2016, og er meint å investere rundt ein milliard kroner i ulike tiltak og prosjekt.

Kommunikasjon[endre | endre wikiteksten]

Veg- og banesamband går hovudsakleg langs med dalen. T-banelinje 2, Furusetbanen og Europaveg 6 går langs dalen i sør. I dalbotn går Hovudbanen og riksveg 163 (Austre Aker vei). På nordsida går T-banelinje 5, Grorudbanen og riksveg 4 (Trondheimsveien). Det er òg vegsamband og bussar som går på tvers av Groruddalen, men dei kommunikasjonslinjene vert ikkje alltid rekna for å vere fullt tilfredsstillande. Det er planar om ein T-bane på tvers av dalen mellom Furuset og Grorud, men prosjektet er framleis under planlegging.

Bakgrunnsstoff[endre | endre wikiteksten]