Har Arbel

Har Arbel
fjell
Land	Israel
Distrikt	Nordlege
Del av	Nedre Galilea
Høgd	181 moh.
Primærfaktor	380 m
Koordinatar	32.824°N 35.507°E / 32.824; 35.507
Har Arbel 32.824°N 35.507°E / 32.824; 35.507
Wikimedia Commons: Mount Arbel

Har Arbel (hebraisk skrift הר ארבל) er eit fjell i Nedre Galilea nær Tiberias i Israel, med høge klipper og utsyn til Hermon i Golanhøgdene, spor av ei grottefestning og ruinar av ei gammal synagoge. Arbel ligg ovanfor Har Nitai og klippene vart skapt av Jordandalen.

Det ligg fire landsbyar i fjellet: Kfar Zeitim, Arbel, Kfar Hittim og Mitzpa. Toppen som ligg 181 meter over havet (380 meter over det kringliggande landskapet) dominerer landskapet og frå toppen kan ein sjå nesten heile Galilea til Golanhøgdene, inkludert Safed, Tiberias og det meste av Genesaretsjøen.

Historie

Arbel synagoge

I nærleiken ligg ruinane av ein gammal jødisk busetnad med ei synagoge frå 300-talet og skoren ut i sjølve fjellet ligg fleire klippebustader. Desse klippebustadane er frå 1600-talet og vart bygde av drusarar. Det er dokumentert jødiske klippebusetnader datert attende til tida kring Det andre tempelet i området. Josefus skreiv om den romerske erobringa at somme av dei siste hashmoneiske opprørarane budde i klippene i Arbel.

Naturreservat og nasjonalpark

Området vart eit naturreservat i 1967, og dekkjer 1,400 kvadratkilometer. Nasjonalpark (8,5 km²) omfattar det meste av Nahal Arbel, som byrjar nær Eilabun og munnar ut i Genesaretsjøen nær Migdal. Reservatet dekkjer området like kring klippa.

Arbel er med klippveggen på 110 meter den einaste kjende staden i Israel der basehopping er godteke.

Utsyn over Genesaretsjøen frå fjellet.

Kjelder

• Denne artikkelen bygger på «Mount Arbel» frå Wikipedia på engelsk, den 3. oktober 2014.
  • Wikipedia på engelsk oppgav desse kjeldene:

Bakgrunnsstoff

• Arbel på Israelsk parktilsyn Arkivert 2007-09-27 ved Wayback Machine.