Hestespreng
Frå Wikipedia – det frie oppslagsverket
| Hestespreng | ||
|
|
||
| Systematikk | ||
| Domene: | Eukaryota | |
| Rike: | Plantae | |
| Familie: | Adiantaceae | |
| Slekt: | Cryptogramma | |
| Art: | C. crispa | |
| Vitskapleg namn | ||
| Cryptogramma crispa | ||
Hestespreng er ein planteart av bregner. Planta dannar opp til 3 dm høge tette tuer av lysgrøne blad av to typar. Dei fleste blada er sporelause og sterkt flikete, dei noko lengre sporeberande blada meir opprette. Arten si utbreiing er avgrensa til Europa. Hestespreng er vanleg i heile Noreg over skoggrensa på steinete, kalkfattig grunn i urer og rasmarkar der det ligg eit tjukt snødekke om vinteren. På Vestlandet fins arten også ned mot havnivå. I Hordaland er hestespreng funnen opp til over 1500 m. Best kjend er bregna på Vestlandet der folk meiner at planta er giftig for husdyr, særleg for hestane. Det heiter at hestar som et dette graset vert sprengde fordi hestemagen vert blesen opp.
[endre] Kjelder
- Wikipedia på bokmål.
- Floraen i farger 2, H. Aschehoug & Co., Oslo 1978.
