Hobøl kyrkje
| Hobøl kyrkje | |||
| kyrkje | |||
 Hobøl kyrkje
Foto: Trond Strandsberg | |||
| Kyrkjesamfunn | Den norske kyrkja | ||
|---|---|---|---|
| Bispedøme | Borg | ||
| Prosti | Sarpsborg | ||
| Sokn | Hobøl | ||
| Fellesråd | Indre Østfold | ||
| Type | Langkyrkje | ||
| Periode | Romansk | ||
| Teknikk | Mur | ||
| Material | Stein | ||
| Innvigd | Andre halvdel av 1100-talet | ||
| - Vigd til | Den heilage Margareta | ||
| - Endringar | Restaurert 1818, 1938 | ||
| Portal | Ja | ||
| Kyrkjegard | Ved kyrkja | ||
| Preikestol | I tre, frå 1602 | ||
| Døypefont | Kleberstein og granitt, frå mellomalderen | ||
| Altartavle | Baldakinaltartavle frå byrjinga av 1600-talet | ||
| Sitjeplassar | 250 | ||
| Diverse | Kopi av kristusfigur av Thorvaldsen | ||
 Hobøl kyrkje 59°36′03″N 10°55′26″E / 59.600751°N 10.92390389°E | |||
| Wikimedia Commons: Hobøl kirke | |||
Hobøl kyrkje er ei romansk langkyrkje frå andre halvdel av 1100-talet som står i Indre Østfold kommune i Østfold. Byggverket er i stein og har 250 sitjeplassar.[1]
Skipet er rektangulært og kort. Mot vest er våpenhuset og mot aust koret, som har påbygd apsis. Kyrkja har ein åttekanta takryttar som ender i ein høg og smal hjelm. Takryttaren er frå 1720-talet.[2]
Hobøl kirke vart kjøpt av prost Lars Rasch i 1723 og hadde fleire forskjellige eigarar inntil ho vart overteke av kommunen midt på 1800-talet.
På kyrkjetunet står Kyrkjestallen, som er innreidd til forsamlingshus. Kyrkja feira 800-årsjubileum 28. mai 1995.
Det indre av kyrkja[endre | endre wikiteksten]
 Foto: Hans A. Rosbach  Foto: Hans A. Rosbach Kyrkja har galleri langs nord- og vestveggen, og orgelet er plassert i den sørlege delen av vestgalleriet. Inventaret er rikt og frå ulike tidsepokar. Berre døypefonten er bevart frå mellomalderen.
Dei eldste delane av altartavla er frå ca. 1600. Biletet av nattverda var dekt av overmåling i ei årrekkje, og vart avdekt og restaurert av Ulrik Hendriksen i 1938. Den lange teksten er underteikna med BERNHARDUS og aller nedst ANNO 1630. Altartavla vart måla på nytt i 1703.
Preikestolen var ei gåve til kyrkja frå Adrian Busch i 1602 og vart laga av Nicolaus Petri Ripen. Han har fem fag. Av desse har fire målerier av evangelistane. Desse er frå same tid som oppmålinga av altartavla i 1703 og er utført av same Contrafeyer.
Preikestolhimlinga er åttekanta og dekorert med akantus. På midstokken er speilmonogrammet til Kristian VI med englar omkring.
Døypefonten er av romansk type. Sjølve kummen er av granitt og foten av kleberstein. Kummen er laga til ein annan fot enn han står på. Delane passar ikkje saman, og partiet mellom kummen og foten er difor fylt med småstein.
Over døypefonten heng ein himling i raudt, grønt og gull med akantusbøylar. Himlinga har ei innskrift der det står: «Gud og Kirken helliget Anno 1739».
Kristusfiguren er ein kopi av Bertel Thorvaldsen sin figur «Kristus», som står i Vor Frue kirke i København. Skulpturen var ei gåve til kyrkja i 1871. |
-
AltartavlaFoto: Hans A. Rosbach -
PreikestolenFoto: Hans A. Rosbach -
Preikestolhimlinga med monogrammet til Kristian VIFoto: Hans A. Rosbach -
DøypefontenFoto: Hans A. Rosbach -
Himlinga som heng over døypefontenFoto: Hans A. Rosbach
Kyrkjegard og prestegard[endre | endre wikiteksten]
Det er kyrkjegard ved kyrkja, og like nordvest for kyrkja er prestegarden.
Kjelder[endre | endre wikiteksten]
- Sigrid og Håkon Christie: Hobøl kirke i «Norges kirker»
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 673. ISBN 82-75-27022-7.
- Denne artikkelen bygger på «Hobøl kirke» frå Wikipedia på bokmål, den 15. september 2013.
Fotnotar[endre | endre wikiteksten]
- ↑ Rasmussen (1993), s. 673
- ↑ Norges kirker
Bakgrunnsstoff[endre | endre wikiteksten]
- Pettersen, Tore Steinar (2008). Kirker i Østfold, Borg bispedømme. Fredrikstad: Tindlund Forlag. s. 105-108. ISBN 978-82-92923-09-2.
- Kyrkjesøk – Hobøl kirke Arkivert 2016-03-22 ved Wayback Machine.
- Hobøl historielag om kyrkjene i kommunen Arkivert 2013-10-02 ved Wayback Machine.
- Hobøl kyrkje i kulturminnesok.no, nettstaden til Riksantikvaren