Jilin i Jilin

Jilin (gul) i Jilin

Jilin med bybrua og Hundreårstorget

Satelittbilete av Jilin med Songhua buktande gjennom landskapet

Jilin (kinesisk skrift 吉林, pinyin Jílín) er eit byprefektur i provinsen med same namn i Kina, med grense i nord mot provinsen Heilongjiang. Prefekturet Jilin har eit areal på 27 722 km² og 4 414 681 innbyggjarar i 2010. Av sesse budde 1 975 803 menneske i storbyområdet.

Byprefekturet Jilin omfattar fire distrikt (区 qū), fire byfylke (市 shì) og eitt fylke (县 xiàn).

Historie

Jilin vart grunnlagt som garnisonsby under Qing-dynastiet i 1673. I 1913 fekk byen jarnbanesamband til Changchun.

Under det japanske styret mellom 1931 og 1945 vart bygt mykje tungindustri.

Næring

Jilin ligg ved elva Songhua, og har elvehamn. Byen er eit jarnbaneknutepunkt i området, og er eit handels- og industrisenter. Her er stor kjemisk industri og cellulose- og papirfabrikkar. Elles er det oljeproduksjon og -raffineri, og framstilling av kunstgjødsel, sement, tømmer og sukker.

Samferdsle

Kinas riksveg 202 fører gjennom området. Han tek til i Heihe i provinsen Heilongjiang, passerer gjennom Harbin og Shenyang, og endar i Dalian ved Gulehavet. Også Kinas riksveg 302 fører gjennom området. Han går frå Hunchun i provinsen Jilin til Ulanhot i Indre Mongolia.

Kjelder

• Denne artikkelen bygger på «Jilin i Jilin» frå Wikipedia på bokmål, den 28. april 2012.
• Denne artikkelen bygger på «Jilin City» frå Wikipedia på engelsk, den 28. april 2012.