Kvithai

Kvithai
Kvithai
Utbreiing og status
Status i verda: Sårbar Utbreiinga av kvithai
Systematikk
Underrekkje:	Virveldyr Vertebrata
Klasse:	Bruskfiskar Chondrichthyes
Overorden:	Galeomorphii
Orden:	Lamniformes
Overfamilie:	Lamnoidea
Familie:	Lamnidae
Slekt:	Carcharodon
Art:	Kvithai C. carcharias
Vitskapleg namn
Carcharodon carcharias von Linné, 1758

Kvithaien (Carcharodon carcharias) er ein stor haiart som lever på grunt vatn i alle dei store verdshava, helst i tempererte til tropiske hav. Kvithaien er den einaste arten i slekta si, Carcharodon. Han er den tredje største nolevande fisken i verda, etter kvalhai og brugde.^[1]

Skildring[endre | endre wikiteksten]

Kvithaiar kan bli opp til åtte meter lange og vega opptil 2 tonn.^[1] Dei blir kjønnsmogne om lag 15 år gamle, og kan leva i rundt 30 år. Kvithaien lever helst åleine, men kan sjeldan sjåast i par. Dei føder levande ungar, mellom fem og ti i kvart kull.^[1] Haien har mange, skarpe tenner på 8-10 cm, og lever av sel, sjøpattedyr og fisk. I dag har kvithaien status som truga art grunna ulike menneskelege inngrep.

Åtak på menneske[endre | endre wikiteksten]

Kvithaien har elles blitt illgjeten gjennom filmen Haisommer (1975) av Steven Spielberg, basert på ein roman av Peter Benchley. I filmen blir amerikanske badegjester massakrert av ein kjempekvithai på nær 8 meter og tre tonn. I røynda er ikkje menneske favorittbyttet til kvithaien. Frå 1990 til 2011 er det registrert 139 uprovoserte kvithaibitt der 29 medførte dødsdall.^[2]