Lindsay Kemp
| Lindsay Kemp | |
 | |
| Statsborgarskap | Storbritannia |
| Fødd | 3. mai 1938 South Shields |
| Død |
24. august 2018 (80 år) |
| Yrke | koreograf, skodespelar, ballettdansar, pantomimekunstner, filmskodespelar, teaterskodespelar, dansar, pedagog |
| Lindsay Kemp på Commons | |
Lindsay Kemp (3. mai 1938–25. august 2018)[1] var ein britisk dansar, skodespelar, lærar, mimikar og koreograf. Stilen til Kemp er ei blanding av butoh, burlesk, pantomime, dragshow og varieté.
Lindsay Kemp var fødd i South Shields i Nord-England i 1938. Far hans var sjømann, og blei borte på sjøn i 1940. Som åttearing blei Kemp send til kostskulen Bearwood College i Berkshire.[2] Etter endt skulegang budde han ei tid i Bradford, der mora hadde flytta, og blei mellom anna kjend med kunstnaren David Hockney.[2] Seinare budde han i London, Barcelona og deretter til Italia, der han hadde bustader i Roma og Todi.[2]
Kemp studerte dans med Hilde Holger og pantomime med Marcel Marceau.
Kemp blei først ein dansar ved Ballet Rambert i London. Han danna sitt eige dansekompani tidleg i 60-åra og vart først kjend etter ei oppvising på Edinburgh-festivalen i 1968. Stykket han viste der, Flowers, bygde på Our Lady of the Flowers av Jean Genet og blei vist i London, New York og Australia. Stykket hadde ein tydlege homofil profil, og blei raida av politiet fleire gonger. Seinare verk er Salome, A Midsummer Night's Dream, Alice in Wonderland, Nijinski, Onnagata og Dreamdances.[2]
Kate Bush og David Bowie studerte begge hos Kemp og var ei kort tid medlem av kompaniet hans - Bowie som artist, Bush som garderobeassistent.
Filmografi[endre | endre wikiteksten]
- The Vampire Lovers (1970), som Jester
- Savage Messiah (1972), som Angus Corky
- The Wicker Man (1973), som Alder MacGregor
- The Stud (1974), som Topstar
- Sebastiane (1976), som sansar
- Jubilee (1977), som kabaretartist
- Valentino (1977)
- A Midsummer Night's Dream for TV (1985), som Puck
- Cartoline italiane (1987)
- The Line, the Cross & the Curve (1993), som 'Guide'
- Velvet Goldmine (1998), som pantomimedame
- Gjesteskodespelar i den spanske fjernsynsserien La Mandrágora i 2005 og 2006
Kjelder[endre | endre wikiteksten]
- ↑ Vanessa Thorpe (25. august 2018). «British choreographer and mime Lindsay Kemp dies». The Observer.
- ↑ 2,0 2,1 2,2 2,3 Smith, Rupert (30. januar 2002). «Lindsay Kemp talks to Rupert Smith about his outrageous career». The Guardian. Henta 2. februar 2016.
- Denne artikkelen bygger på «Lindsay Kemp» frå Wikipedia på engelsk, den 30. september 2011.