Lionel Messi

Lionel Messi

Personleg informasjon
Namn	Lionel Andrés Messi
Fødselsdato	24. juni 1987
Fødestad	Rosario i Argentina
Høgd	169 cm
Posisjon	Ving /spiss
Klubbinformasjon
Spelar for	Barcelona
Draktnummer	10
Ungdomsklubb
1995-2000 2000-04	Newell's Old Boys Barcelona
Klubbar*
År	Klubb	Kampar (mål)
2004-05 2004-	Barcelona B Barcelona	5 (0) 188 (133)
Landslag**
2005-	Argentina	64 (18)
* Klubbkampar og mål i nasjonal liga   er sist oppdatert 14. mars 2010. ** Landskampar og mål er sist oppdatert 20. februar 2010.

Lionel Andrés Messi (fødd 24. juni 1987 i Rosario i Santa Fe-provinsen) er ein argentinsk fotballspelar som spelar som angrepsspelar for Barcelona i spansk Primera Division, og på Argentina sitt landslag.

Messi begynte å spela fotball i ung alder, og talentet hans vart raskt oppdaga av Barcelona. Han forlet Rosario-klubben Newell's Old Boys sitt ungdomslag i 2000 og flytta til Europa med familien, då Barcelona tilbaud han behandling for veksthormonsjukdommen hans. Han debuterte for Barcelona i 2004/05-sesongen og sette ny rekord for yngste fotballspelar i ein spansk ligakamp, og dessutan yngstemann til å skåra ligamål. Han fekk gjennombrotet sitt i 2006/07-sesongen då han vart fast på førstelaget, skåra hat-trick i det klassiske oppgjeret mot Real Madrid og enda sesongen med 14 mål på 26 ligakampar. I 2008/09-sesongen skåra Messi 38 mål då Barcelona vann tre ulike meisterskap.

Messi var toppskårar i ungdomsverdsmeisterskapen i 2005, med seks mål. Ikkje lenge etterpå vart han eit fast innslag på Argentina sitt A-landslag. I 2006 vart han yngste argentinar som hadde spelt i VM i fotball. I 2008 var han med på å vinna fotballkonkurransen under sommar-OL i Beijing.

Denne artikkelen begynte med ei omsetjing frå engelsk wikipedia 16. mars 2010.