Matching Mole

Frå Wikipedia – det frie oppslagsverket
Gå til: navigering, søk
Matching Mole
Opphav England
Sjanger Progressiv rock, Canterbury scene
Aktive år 1971-1972
Plateselskap CBS
Siste medlemmer
Robert Wyatt
Dave MacRae
Phil Miller
Bill MacCormick
Tidlegare medlemmer
David Sinclair

Matching Mole var eit britisk progressivt rockeband frå Canterbury scene som er best kjend for songen «O Caroline». Robert Wyatt danna bandet i oktober 1971 etter at han forlet Soft Machine og hadde spelt inn det første soloalbumet sitt, The End of an Ear. Han heldt fram rolla si som vokalist og trommeslagar og med seg i bandet fekk han David Sinclair frå Caravan på orgel og piano, Phil Miller på gitar og Bill MacCormick frå Quiet Sun på bass. Namnet er eit ordspelMachine Molle som er det franske uttrykket for Soft Machine, det tidlegare bandet til Wyatt.

Det første albumet deira kom i april 1972 og dei fleste av songane vart skrive av Wyatt sjølv, bortsett frå den mellotron-dominerte «O Caroline», som vart skrive av Dave Sinclair med tekst av Wyatt. Teksten omhandla brotet med kjærasten Caroline Coon. Det andre albumet deira, Matching Mole's Little Red Record kom i november 1972 og var produsert av Robert Fripp, Sinclair vart då erstatta av Dave MacRae frå New Zealand, som alt hadde medverka som gjesteartist på det første albumet.

Matching Mole vart oppløyst seint i september 1972 like etter ein europeisk turne som oppvarmingsband for Soft Machine. Sinclair og Miller gjekk då saman og danna bandet Hatfield and the North. Ei ny besetning med Wyatt, MacCormick, keyboardisten Francis Monkman frå Curved Air og saksofonisten Gary Windo skulle spele inn eit tredje album i 1973, men dette vart avbrote då Wyatt fall ut av eit vindauge og vart lam frå hofta og ned, og derfor ikkje kunne halde fram som trommeslagar.

Diskografi[endre | endre wikiteksten]

Bakgrunnsstoff[endre | endre wikiteksten]

Kjelder[endre | endre wikiteksten]