Provinsen Teramo
| Nasjon |  Italia |
| Region | Abruzzo |
| Hovudstad | Teramo |
| Areal | 1 948 km² |
| Folketal (2005) | 296 063 |
| Folketettleik | 152/km² |
| Kommunar | 47 |
| Bilnummer | TE |
| Postnummer | 64100 |
| Retningsnummer (tlf) | 0861 |
| President | Ernino D'Agostino |
 |
|
| Plasseringa til Teramo i Italia | |
Provinsen Teramo (italiensk Provincia di Teramo) er ein provins i regionen Abruzzo i Italia. Hovudstaden er byen Teramo. Han har eit areal på 1 948 km² og totalt 296 063 innbyggjarar (2005). Det er 47 kommunar i provinsen. Teramo grensar til provinsen Ascoli Piceno i regionen Marche i nord, provinsen L'Aquila i sør og sørvest og til provinsen Rieti Lazio i vest. I sør ligg provinsen Pescara og i aust Adriahavet.
Innhaldsliste |
Geografi [endre]
Landskapet i provinsen Teramo er dominert av Adriahavet i aust og Appenninane i vest. Provinsen er delt i nord go sør av åsar og dalar som går frå Appenninane og nesten ut til kysten. I tillegg til hovudstaden er dei viktigaste økonomiske sentera Roseto degli Abruzzi og Giulianova med innbyggjartal på litt over 20 000 kvar.
Toppane til Gran Sasso stig opp i vest, medan Monti della Laga dominerer grenseområda i nord. Den høgaste toppen i Gran Sasso er Corno Grande med ei høgd på 2 912 moh. Her ligg òg Calderonebreen, den sørlegaste isbreen i Europa. I motsetnad til det kuperte og isolerte Gran Sasso-området, har Monti della Laga tjukke skogar, djupe gjel og rullande sider og dalar med flotte fossefall.
Aust i provinsen ligg det sju strender, dei såkalla «sju søstrene», ved Adriahavet. Her finn ein feriestader med svært fin, kvit sand med mildt middelhavsklima, palmar, furuar og oleander.
Store kommunar [endre]
Dei største kommunane og byane i provinsen er (folketal frå 2005):
Teramo (52 794), Roseto degli Abruzzi (23 669), Giulianova (21 875), Silvi Marina (15 247), Martinsicuro (15 047), Pineto (13 763), Atri (11 269), Alba Adriatica (11 219), Sant'Egidio alla Vibrata (9 177), Mosciano Sant'Angelo (8 559), Tortoreto (8 536), Montorio al Vomano (8 072), Campli (7 598) og Bellante (7 208).
Bakgrunnsstoff [endre]
Kjelder [endre]
- Denne artikkelen er basert på ei omsetjing av artikkelen Province of Teramo frå Engelsk Wikipedia .
