Rolf Rämgård

Rolf Rämgård
Statsborgarskap	Sverige
Fødd	30. mars 1934 (90 år) Älvdalen
Yrke	langrennsløpar, politikar
Språk	svensk
Politisk parti	Centerpartiet
Rolf Rämgård på Commons

Rolf Rämgård (fødd 30. mars 1934) er ein svensk, tidlegare langrennsløpar og politikar for Centerpartiet, busett i Älvdalens kommun. Han vann ein sølvmedalje og ein bronsemedalje under vinterleikane i Squaw Valley i 1960, og var riksdagsrepresentant frå 1974 til -85.

Langrenn

Rämgård deltok i 1958 i sin fyrste internasjonale meisterskap då han i Lahti vart nummer elleve på femmila under verdsmeisterskapen. Same sesongen vart han svensk meister på femmila, ein prestasjon han gjentok året etter.

Under vinter-OL 1960 i Squaw Valley var Rämgård nær ved å vinne 30-kilometren, men hamna tretten sekundar bakom landsmannen Sixten Jernberg i mål. På 50 km kom Rämgård på tredjeplass, i anvend tid over tre minuttar bak finnane Kalevi Hämäläinen og Veikko Hakulinen. Seinare i sesongen vart Rämgård nummer fire på femmila i Holmenkollen, bakom dei tre nordmennene Sverre Stensheim, Oddmund Jensen og Ingmund Holtås.

I sin siste sesong vart Rämgård nummer sju på 50 km i verdsmeisterskapen i Zakopane i Polen. Sidan i sesongen vann han sin største triumf då han gjekk til topps i 30 km i Svenska skidspelen i Falun, fire sekundar føre den nye finske toppløparen, Eero Mäntyranta.

Politikk

Same året som han la konkurranseskia på hylla, 1962, fekk Rämgård plass i det lokale landstinget, ein plass han hadde i 36 samfulle år. Han var i lang tid kommunalråd i Älvdalens kommun. I 1974 vart han vald inn i den svenske Riksdagen for Centerpartiet og valkrinsen Kopparbergs län. Han vart gjenvald for to periodar og hadde sete i Riksdagen til 1985.

Kjelder

• Denne artikkelen bygger på «Rolf Rämgård» frå Wikipedia på svensk, den 30. januar 2013.