Sirona

Sirona (namnet er blitt tolka som 'guddommeleg stjerne'), truleg den same som Dirona og Divona, var ei gudinne dyrka av keltarar i fastlandseuropa frå Ungarn til Bretagne. Ho blei sett i samband med heilage kjelder og kunne lækja og gje grøde.

Sirona blei avbilda åleine eller saman med Apollo Grannus. Statuar av henne kan til dømes vera saman med ein hund, ein slange, egg, korn, druer og anna frukt.

Sirona-funn avmerka på europakartet.

Sirona blei særleg dyrkar av treveriane i Moseldalen. Det er mellom anna gjort funn som har med Sirona å gjera mellom anna i Hochscheid mellom Mainz og Trier, i Sainte-Fontaine nær Freyming, og i Mainz.

Gudinna blei erstatta med Borvo, som er omtalt som sonen hennar, i fleire stader av den keltiske verda.

Sjå òg

• Damona
• 116 Sirona, ein asteroide oppkalla etter gudinna

Kjelder

• "Apollo" A Dictionary of Celtic Mythology. James McKillop. Oxford University Press, 1998. Oxford Reference Online. Oxford University Press. <http://www.oxfordreference.com/views/ENTRY.html?subview=Main&entry=t70.e248>, henta 31. januar 2008

Bakgrunnsstoff

• Presentasjon av Sirona-tempel i Alzey (tysk)
• Sirona på tempelsøyle i Vienne-en-Val (fransk)