Stein Gullikstad

Stein Erik Gullikstad (fødd 6. februar 1952) frå Røros er ein tidlegare kombinertrennar. Han representerte Røros Idrettslag.

Gullikstad vann to NM-medaljar i kombinert, ein bronse i 1973 og ein sølvmedalje i 1976. Han deltok for Noreg i kombinertøvinga i to internasjonale meisterskap. Under VM i Falun i 1974 vart han nummer 10, medan han under vinter-OL 1976 i Innsbruck kom på 22. plass.

Hans fremste prestasjon var andreplassen i Holmenkollen i 1973. Gullikstad vart då nummer to. Endå om han var langt bak den suvere vinnaren, Rauno Mietttien frå Finland, viste han den tidlegare olympiameisteren Franz Keller frå Vest-Tyskland til tredjeplassen.

Besteplasseringar i internasjonale renn

• 1973: Nr 2 i Holmenkollen
• 1974: Nr 5 i Holmenkollen
• 1975: Nr 8 i Holmenkollen
• 1976: Nr 7 i Falun

Medaljar og besteplasseringar i noregsmeisterskap

• 1972: Nr 4 i Trondheim
• 1973: Bronsemedalje på Lillehammer
• 1974: Nr 4 i Selbu
• 1975: Nr 4 i Rælingen
• 1976: Sølvmedalje på Fåvang

Kjelder og bakgrunnsstoff

• Sportsboken, aktuelle årgangar

• (en) Stein Gullikstad – Profil og resultatoversikt i olympiske konkurransar på sports-reference.com.